Ooh-ooh-ooh-ooh
Ooh-ooh-ooh-ooh
Ooh-ooh-ooh-ooh
Ooh-ooh-ooh-ooh
Pou al lekòl an Ayiti
Li difisil
Pou jwenn travay an Ayiti
Li difisil
Pou vin yon moun an Ayiti
Li difisil
Triye yon grenn nan mitan 1000
Li difisil
Pi fasil pou planèt la rantre nan yon je zegwi
Ke Ayiti, yon jou, l ta sispann kenbe yon kwiy
Pi fasil pou pitit Grasye mouri nan bouk la
Pi fasil pou Konpa ret ajenou devan Zouk la
Pou ret yon moun konsekan
Li difisil
Pou viv san mache sou pikan
Li difisil
Yon nèg lari ki pa frekan
Li difisil
Pou viv san kontwòl Vatikan
Li difisil
Pi fasil pou syèl la touche tè a
Tan pou nou ta jwenn yon alemye pou chak pitit tè a
Pi fasil pou nou dòmi nan fatra
Ak lamizè, li pi fasil pou nou jwenn yon kontra
Pou vwayaje pou w pa tounen
Li difisil
Ret la, san w pa kè tounen
Li difisil
Malgre w pa kwè, men w ap goumen
Li difisil
Ayisyen k pap bwè dlo nan nen
Li difisil
Li pi fasil pou yo achte chak branch trip nou
Entènasyonal la pran plezi nan desann slip nou
Li pi fasil pou yo leve ti dife volan
Pou yo ba nou machin, men se yo ki sou volan
Li pi fasil pou yo mande n match amikal
Paske n ap jwe pye atè
E y ap met kranpon vise
Li pi fasil pou yo mete n nan eskandal
Paske, respè figi nou, yo pran nou pou santi pise
Li pi fasil pou n ap goumen youn kont lòt
Paske je nou pa ouvè pou nou wè gen men ki kache
Li pi fasil sout tèt nou pou n voye blòk
Alòske deyè fontyè a se la nou te dwe krache
Li pi fasil pou yo dekòde sa nou kòde
Depòte sa nou pote
Dejante sa nou chante
Li pi fasil pou diminye sa n reprezante
Yo pa ba nou batistè, nou pa ka espere sante
Li pi fasil pou yo kenbe nou nan tolalito
Jèn ti fi yo nan kale kò, pou sa k ap bwè kòb Kaliko
Li pi fasil pou kenbe peyi nan chomeko
Jèn gason fimen bòz, pi mal ke moun ki leve Jamaica
Pou pa tounen yon twal mouye isit
Li difisil
Pou jwenn yon sit ki pa poubèl isit
Li difisil
Fanm, nan biwo, yo pa mande goute
Li difisil
Yon politisyen ki pa dewoute
Li difisil
Yon Polisye k toujou san patipri
Li difisil
Yon pwodwi ki nan mache ak yon ti pri
Li difisil
Yon madan chèf ki pa derespektan
Li difisil
Nèg k nan pouvwa ki pap vwayaje kèk tan
Li difisil
Li pi fasil pou yo mande n match amikal
Paske n ap jwe pye atè
E y ap mete kranpon vise
Li fasil pou yo mete nou nan eskandal
Paske, respè figi nou, yo pran nou pou santi pise
Li pi fasil pou n ap goumen youn kont lòt
Paske je nou pa ouvè pou nou wè gen men ki kache
Li pi fasil sout tèt nou pou n voye blòk
Alòske deyè fontyè a se la nou te dwe krache
Ooh-ooh-ooh-ooh (li difisil)
(Li difisil)
Ooh-ooh-ooh-ooh (li difisil)
Li difisil