Defen Black Alex t ap di "Madmwazèl"
Mwen menm mwen di "Ti Mari bèl gazèl"
Ye-e-e, aah!
Anba je m la a
Ou la w ap pase desann, pase monte
Ou pa pote chevè sou tèt
Men ou pote de bèl tete
Ou pote fedatifis nan je ou
Ou pote patdantifris nan bouch ou
Ou pote
Ou pote
Ou pote
Anba je m la a
Ou la w ap pase desann, pase monte
Ou pa pote chevè sou tèt
Men ou pote de bèl tete
Ou pote fedatifis nan je ou
Ou pote patdantifris nan bouch ou
Ou pote
Ou pote
Ou pote
Obsèvasyon pi enpòtan ke pote boure
Eksperyans montre m sa jodi a
Que Dieu soit loué
M pa fè tèt cho ankò lè m kwaze yon bèl bote
Pi bèl teknik pou labouyi cho, se pran l sou kote
M konte anpil, men ou diferan de lòt yo
Si mesye yo tranpe nan pantalon yo, se pa fòt yo
Ou mache tankou amatè k ap konte ti kan
Ak de bèl janm pwofesyonèl tankou Wilner Piquant
Lè w prese, ou tankou 'la belle capoise'
Koub ou reyalize pa ka trase sou adwaz
Pou foug ak enèji, ou se Artémise, kat motè
Lestomak bonbe, dada kanpe 17 wotè
Ou pa sanble ak aktris Hollywood yo
Ou plen nan tout kò w, e ou bèl san kouch poud yo
Bouch ou pwès
Po w gra
Echantiyon bèl fanm Ayiti Toma
Nèg ki apwoche w deja di ou sovaj
Yo pale de ou tankou yon bèt michan ki pa nan kaj
Se paske yo gen kòd yo pa ka lanse w
Chak gen yon fwèt nan men yo, men yo pa ka donte w
Anba je m la a
Ou la w ap pase desann, pase monte
Ou pa pote chevè sou tèt
Men ou pote de bèl tete
Ou pote fedatifis nan je ou
Ou pote patdantifris nan bouch ou
Ou pote
Ou pote
Ou pote
Ou pa fanm vant kole nan do
Ou se yon fanm djanm, vyann anba po w
Ou solid, ou pa ta di on chasi bato
Ti blòde ak brendjenn pa ka ba w mato
Pou gen rezon devan kras, fò w benyen
Se pou sa ou pa sezi devan byen on gason genyen
Ou se defi yo pa ka leve a
Ti madanm ki fè yo nève a
Ou se mayi ki nan boutèy la
Pye w kase bèk yo lè yo monte sou zòtèy la
Ou mete prensip sou yo
Ou mete yo sou men yo
Ou se yon Ti Mari bèl gazèl vre
Ou se yon Ti Mari bèl gazèl vre
Ou se yon Ti Mari bèl gazèl vre
Ou se yon Ti Mari bèl gazèl vre
Anba je m la a
Ou la w ap pase desann, pase monte
Ou pa pote chevè sou tèt
Men ou pote de bèl tete
Ou pote fedatifis nan je ou
Ou pote patdantifris nan bouch ou
Ou pote
Ou pote
Ou pote
Defen Black Alex t ap di "Madmwazèl"
Mwen menm mwen di "Ti Mari bèl gazèl"