Eh-eh
An-anh
Manman m nan
Oh-ooh
Eh-eh-eh, oh-ooh
Mwen grandi nan pami diri ti wòch goute grès
Manman m pat gen ase pou l te ban m manje pou m te kite rès
Mwen grandi nan mitan zanmi
Mwen grandi san papa m
Manman m te toujou di m si m pa al lekòl
Sa m pran se pa m
Mwen grandi nan mitan mank
Mwen grandi nan mitan bank bòlèt
M grandi nan legliz
Manman m aprann mwen bay lakòlèt
Li te toujou di m fòk mwen aprann fè zèv
E se pa pou bèl zèb
Pou m mare chwal mwen bò falèz
Mwen grandi avèk manman m
Donk mwen grandi avèk lanmou
M grandi ak yon madanm
Ki sou de pyel depi douvanjou
M grandi ak detèminasyon
M grandi avèk diyite
'On tanperaman granmoun
Depi epòk pibète
M grandi avèk esperans
M grandi nan doulè
M grandi san m pat gen twòp chans
Nan yon katye popilè
Lekòl se pi bèl rezo
M te pote nan 'sac à dos'
Manmman m se pi gwo trezò
Ke la vi a fè m kado
Mèsi manman pou sa ou ye pou mwen
Mèsi manman m nan
Pou tout sa m vin ye pou tèt mwen
Mèsi manman
Pou sa ou ye pou mwen
O wi wi wi
Mèsi, mèsi, mèsi manman m nan, ye-eeee
Manman m se yon sòyèt
Men se fanm ki gen brenn
Diyite l fèt an asye
Po tòti 'on renndenng
Manman m s'on koutiryè
Ki pote sèt pitit sou do li
Manman m se fanm ki bèl
Menm si l gen mak lavi sou po li (sa se vre)
Manman m s'on imotèl
Manman m se pechèdlatè
Vye van lavi soufle
Sa pa sifi pou met do l atè
Se pa yon entèlektyèl
Manman m s'on madan sara
57-2016 manman m s'on lò 59 kara
Manman m se yon tigrès
Sa vle di l se pitit tig
Manman m se yon nègrès
Papa m rankontre l Pelig
Li tèlman sèvyab
L ap sèvi moun ki nan vèy li
Manman m renmen m anpil
Li rele m tèt sèkèy li
Manman m s'on moniman
Manman m se denyè grenn nan
Li pa yon po piman
Hen hen, se li ki grenn nan
Manman m mache kontre lavi
Li pa chita tann
Manman m s'on piramid
Li pa kaptèn Anba kabann
Manman m se yon modèl de reyisit
M ap felisite l
Manman m gen lanmou pou chak grenn pitit
M ap plede site l
Manman m pa gen machin
Men lavi pa janm pati kite l
Manman m se yon egzanp
Pitit fi m yo ta dwe imite l
Manman m se yon senfoni
Manman m s'on resital
Manman m se pa moun isi
Se fanm Plato Santral
Manman m travèse lavi
San fè vye zafè
Manman m kase bèk lavi
Manman m se bèk fè
Wou-ou-oh
Mèsi manman
Pou tout sa ou ye pou mwen
Mèsi manman
Pou tout sa m vin ye poutèt mwen
Mèsi manman
Pou sa ou ye pou mwen
O wi wi wi
Mèsi, mèsi, mèsi manman m nan, ye-e-e
(Manman, Manman)
Pou tout sa ou ye pou mwen
Mèsi manman
Pou tout sa m vin ye poutèt mwen
Mèsi manman
Pou sa ou ye pou mwen
O wi, wi, wi
Mèsi, mèsi, mèsi manman m nan, ye-e-e