Kishore Kumar Hits

Faiz Ahmed Faiz - Bol lyrics

Artist: Faiz Ahmed Faiz

album: A Tribute To Faiz Ahmed Faiz


بول کہ لب آزاد ہیں تیرے
بول کہ لب آزاد ہیں تیرے
بول، زباں اب تک تیری ہے
تیرا ستواں جسم ہے تیرا
بول کہ جاں اب تک تیری ہے
بول کہ لب آزاد ہیں تیرے
دیکھ کہ آہن گر کی دکاں میں
تند ہیں شعلے، سرخ ہے آہن
کھلنے لگے قفلوں کے دہانے
پھیلا ہر اک زنجیر کا دامن
بول، یہ تھوڑا وقت بہت ہے
جسم و زباں کی موت سے پہلے
بول کہ سچ زندہ ہے اب تک
بول، جو کچھ کہنا ہو کہہ لے
بول کہ لب آزاد ہیں تیرے
بول، زباں اب تک تیری ہے
تیرا ستواں جسم ہے تیرا
بول کہ جاں اب تک تیری ہے

Поcмотреть все песни артиста

Other albums by the artist

Similar artists