Ja d Nacht und är schliiche derhär
U sini Bei wärde langsam aber sicher schwär
Ä iisige Wind blast ihm i ds Gsicht
Während dr Mond es Loch i Nachthimmu sticht
Uf dr Brügg macht är de churz mau Haut
Wöu ihm dr Lüchturm i dr Ferni so gfaut
D Zeiche stö uf Sturm u i dr Bucht isch niemer ds gseh
(S'isch chaut, aues tuet mir weh)
Wieder mau wagt är sich i d Hafebeiz
Hocket ab wo's grad Platz het u bschteut sich eis
Är isch eine wo gärn eleini isch
Drum erchlüpft är chli, wo ihn ä junge Maa de aspricht
Si rede über Gott u d Wäut
Über Konflikte, über ds Eländ u ds Gäut
Nach dr dritte Rundi seit ihm dä Jüngling unverfrore
Aues sig verlore
(D Wäut geit unger. S'isch e Frag vo dr Zyt)
Junge Maa, antwortet är
I gibe dir iz mau e Tipp
Trotz au dene chranke Sache wo passiere
Gloub immer a ds Guete i de Lüt
Es wär Schand iz dr Muet ds verlüre
I dere schwierige Zyt
I weiss mängisch schmärzt das Eländ sehr
Doch wär em Fluss fougt fingt irgendeinisch ads Meer
Är wünscht e schöne Abe, nimmt dr letscht Schluck no
Schleppt sich use i d Nacht u geit drvo
Dr Räge peitscht uf die Pflaschtergass
Är isch müed u isch dr Meinig, dass
Es langsam Zyt wär für hei
Är nimmt dä läng Wäg unger d Bei
Düre Hafe u när dr Klippe entlang
Ganz liisli singt är dä aut Seemanns-Song
Dr Lüchtturm wehrt sich gäg die Monschterwäue
Wo ganz heimtückisch d Küschte überfaue
Ds Szenario git ke Grund zur Hoffnig
Doch i däm Momänt gseht är e Öffnig
Am Horizont si es paar Stärne ds gseh
(Es tuet chli uf, das git mir Schnuuf)
Trotz au dene chranke Sache wo passiere
Gloub immer a ds Guete i de Lüt
Es wär Schand iz dr Muet ds verlüre
I dere schwierige Zyt
I weiss mängisch schmärzt das Eländ sehr
Doch wär em Fluss fougt fingt irgendeinisch ads Meer
Är weiss es isch no nid aues verlore uf dere Ärde
Är gloubt a d Chance, dass es besser cha wärde
Trotz au dene chranke Sache wo passiere
Gloub immer a ds Guete i de Lüt
Es wär Schand iz dr Muet ds verlüre
I dere schwierige Zyt
I weiss mängisch schmärzt das Eländ sehr
Doch wär em Fluss fougt fingt irgendeinisch ads Meer
U ds Eländ schmärzt so sehr
Doch wär em Fluss fougt fingt irgendeinisch a ds Meer
Fingt irgendeinisch a ds Meer