Meschien dalijk, as alles wat gezak is
Meschien straks, as ik vergaet wat d'r gezag is
Meschien later
Jao, later, det klink good
Maar veurluipig drink ik nog dien blood.
Meschien oëits, vlak veurdet we doëd gaon
Meschien dan, det we met ôs batsen bloët gaon
In de winter van mien laeve
Sorry veur wat waar
'T Is raar.
Maar alles is raar
Alles is maf
Alles is krômp
En ik bin aafgestômp
Van oét-naor-aan, weer oétgestamp
Ik veul mich net un schemerlamp
Alles plek heej van mien traone
Zelfs de grond
Daorum hald ik mich nog staonde.
Meschien oëits, det we nog ens wat gaon aete
In det restaurant, wao ze ôs allang zien vergaete
Van al ôs gepraot waere de biefstökke kald
Ik hald van dich
Maar
Det is neet mier zat
En in idder geval noow neet
Dus praote, aete, drinke hoof neet
As ut aan mich leet
Al sloét ik neet oét det os de toekóms noch aete schink
We zeen waal waat ut bringk
Maar alles is raar
Alles is maf
Alles is krômp
En ik bin aafgestômp
Van oét-naor-aan, weer oétgestamp
Ik veul mich net un schemerlamp
Alles plek heej van mien traone
Zelfs mien schoon, daorum hald ik mich nog staonde.
Meschien, det örges, oëit in twië-doézend-twellef
Ik dich ens bel, of wae wet belse zellef.
En dan kinne we gaon drinke, en klinke op waat vreuger waas.
Maar noow, maar noow
Is alles nog raar,
Alles nog maf
Alles nog krômp
En ik bin aafgestômp
Van oét-naor-aan weer oétgestamp
Ik veul mich net un schemerlamp
Alles plek van mien traone,
Zelfs mien leedjes, zien plekkerig gewaore
Alles plek heej van mien traone
Zelfs mien leedjes zien plekkerig gewaore
Alles plek heej van mien traone
Alles, alles is plekkerig gewaore