Sjtieger, kin ich bottere? Gowwe appetiet!
Huuësj noe niëmes knottere, ginne hat mie tied
Op enne bussjel sjpitse dao zitte ze neëvenee
Woëste wirks, doa itse, d'r bleëk tussje de bee
Wat haste op et broëd, Sjef? Kluutedrek mit Sjlaam
Gèf mich die van dich, Sjtef, ich han koalevlaam
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak
Koalevlaam mit proeme in ing ouw gezet
Die goof et Juupke Vroëme vuur mieng sjnej mit vet
Wilste die neet toesje vuur e sjtömpke woësj?
Nè, ich wil neet foesje op de mieng zit knoësj
Kiek es noa d'r Sjtasse deë it sjpek mit zjwaad
D'r Juul hat ramenasse oet d'r ege gaat
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak
Wat is d'r Frens an't keëke? Ich wil wek mit zeem!
Doe kries mie riestevleëke dat sjmakt wie naate leem
Wie kunste an de sjink, Niës? Die kreeg ich van de vrouw
D'r Willem it wer sjtinkkiës, werp dem in d'r zouw!
D'r Piepieloel hat preskop, d'r Hoebeët eëpelsjla
D'r Harie hat ing res 'd'rop van d'r kirmesvla
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak
D'r Sjir it kouw poetes, ich han zelf gesjlacht
Hoolstoe dan e verke? Weë hauw dát gedacht!
D'r Kuuëbes mil et sjtruufke hat 'ne voele maag
Dee vroot zich juus e duufke van d'r ege sjlaag
Aling d'r lange Joep Vliex ocherm, die mager bats
Keujt op enne dieke nieks mit enne lange sjtats!
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak
Vas werk - hoeg loën
'N Dieke bott'ram it d'r Joëh'n
Glück Auf - pompeloak
'S Mondigs loetsjte soepeknoak