ROEM SJIEK
Sjiek, sjiek - Proemesjiek
Loat de breuj mar zauwele
Proem sjiek - Et bakke diek
'N Koempelmoel mot knauwele
Sigarenmagazijn Peeters in Hoensbroek voorzag menig koempel van Proem Sjiek. Fotocollectie Rijckheyt.
Gans deep ongeniggeneëd motste wirke wie e peëd
In die wermdo en deë sjtöb driënt de keël zich in 'ne knup
Ing knoakedruuëg vussjemoel krieste ongeniggen koel
Went d'r koempel neet op tied in e sappig pruumke biet
REFREIN; Sjiek, sjiek - Proemesjiek .enz
Preufste vuur de iëjste kiër, kunt d'r zjweet dich vuur d'r sjtier
Weëdste geël en greun en blauw, motste gubbele in d'r zauw
Gekke jong, sjtel dich nit aan, knauwel durch, dan wenste draa
Reupt d'r ouwe heujer koad en dat is d'r betste road
REFREIN; Sjiek, sjiek - Proemesjiek .enz
'T Zuut genau oet wie Iakrits wenste nog nit beëter wits
Mar eemoal hinge in d'r monk driënt opneuj d'r maag zich ronk
'T Liekt 'tzelfde wie gedeks, mar wenste 'm in d'r cognac leks
In cognac, schnaps of brandewien, och, dan sjmakt dat pruumke fien
REFREIN; Sjiek, sjiek - Proemesjiek .enz
'T Sap dat lupt langs dieng kin en druupelt dich d'r hammer in
Sjpeujste 'm och nog op d'r pin dan kriet d'r hammer neuje zin
Zelfs deë bikkelhèlle koal weekt wie pratsj nao zoë ing sjtroal
D'r Sjieke Wielie hauw geliek: de proem regeert et koempelriek!
REFREIN; Sjiek, sjiek - Proemesjiek .enz