Toes heb ich nog ein hiel oaj kaartj
Diej heb ich altied good bewaardtj
Het is ein foto van oad Leu.
Doa kon ste zeen wiej 't vreuger waas
Met hiel veul grond en nog veul graas
En ederein deej doa gewuuen.
De wèèg diej woare toen mer slecht,
Joa geine eine dèè waas recht
Of zaat vol koele en vol gate.
Eine mesthoup zoogs-te euveral
Met twie, driej koekes op de stal
En oet de put hooljde men 't water.
En in de mooshoof van mie vader
Doa sting roed moos en poor en slaai.
Ich waas nog jonk, ich kos neet weite
Det ich det later neet mie haai.
Het pèrdje trok ein deepe voor
Doa achter sjowde Truyers Door.
De mieuve pikdje noa de pirke.
Eine reek met aafgeslete tengj
En het zweel dik in de hengj.
Waat moaste ze toen vriet hel wirke.
Mer wèèm weurdj op vandaag nog boor,
Wèm hètj nog Pier, wèèm hèètj nog Door,
Wèm hèt nog kuj, wèm hèt nog hinne.
Det zeen er mer ei stuk of veer,
Jean van de Baar en dèè van Neer,
Doa wiltj gei mins mier aan beginne.
En in de mooshoof van mie vader...
Het huuske van de slechter Graat,
Café de Spaanjerd aan de Maas,
Det is er now al lang neet mie.
De meule aan os voetbalveldj
Was oets ei prachtig monument,