Quand z'étoile 4 heures d'matin finie lévée
Guett' mon corps comme l'est bien esquinté
Look à moin joyeusement dessus la chaussée
L'corps l'est bon, mais le cœur l'est usé
Morceau là zot i voit moin la pou chanter
Crois-moin l'est pas bon pou la santé
Rassure à moin vite dessus mon l'avenir
Moin Jean-Sans-l'soin la pas envie d'mourir
Mâle papangue
Oui té l'est rapiangue
Mâle papangue
Deux francs cinquant' la pas besoin
Sept francs cinquant' moin la besoin
Mâle papangue
Oui té l'est rapiangue
Mâle papangue
Deux francs cinquant' la pas besoin
Sept francs cinquant' moin la besoin
D'puis la veille té l'avait mett' mon pois au feu
A p'tit feu, mon cœur té cuisiné
De riz l'grains, ecqu'in carri bien épicé
Mi dis mange la vie
Toué-même la donne à moin
Té lait d'cannes,
Té gaillard lait d'cannes
Oh! Lait d'cannes
Sept francs cinquant' la pas besoin
Douze francs cinquant' moin la besoin
Té zamal. joli pied zamal,
Oui zamal
Si la pas l'rhum moin la besoin
La pas ton gobe moin la besoin
Ton l'épée d'sis mon tête la pou pendillé
P'têt bien qu'l'est bon pou mon santé morale
Quand Ti prends ton chabouc
Quand Ti veux punir
Mi dis oui, Bon Dieu même le Diable i crie tire
Guett' Bon Dieu
Mon cagnard' vie
L'est devant Ou
Ti connais quoué moin la besoin
In peu le soin moin la besoin
Mi ar'garde
Ton gallarderiment
Devant moin
L'aigreur mon fiel, ça mi connais
In peu ton miel, mi veux goûter
L'aigreur mon fiel, ça mi connais
In peu ton miel, mi veux goûter