Oh vei o me ne vai
Aspetta ca mo vengu
E lu sole calau calau
Uhe fattore jeu me ne vau.
Eh lu sule calau calau uhe fattore jeu me ne vau
Eh mo passa la curnacchiola dice ca è ora dica ca ora
Sa puggiata su lu quataru dice ca ura ca zzamu manu.
Eh lu sule calau calau uhe fattore jeu me ne vau
Eh fattore se nu me porti jeu me settu a fazzu carotti
Eh li fazzu belli e chiatti, quando passi cu te sculacchi
Eh li fazzu belli e fundi, quando passi cu te scuffundi.
Eh lu sule calau calau uhe fattore jeu me ne vau
Eh lu sule calau le tenne a lu fattore lu muccu li penne
Ma ce li penne a fare pe doi sordi ca na dare
Ma ce li penne a fare pe doi sordi ca na dare.
Eh lu sule calau li risi, uhe fattore facìmu turnìsi
Eh lu sule calau li munti, uhe fattore facimu li cunti
Eh lu sule calau le tenne, e le saccure nu le'nchemme
Eh fattore rimani quai, ca e saccure le ìnchimu craij.
Calau calau lu sole
Eh calau su lu fattore.