Take me away from here, take me away
Take me away, away, away from here
Take me away from here, take me away
Take me away, away, away from here
Səni sıxır hər səhər eyni üzlər, eyni yollarda
Arzuya çatmaq istəyir hamı əyri yollarla
Ofis pəncərəsindən baxıb xəyala dalırsan
Bəlkə bir gün kimsə aparar səni uzaqlara
Səni sıxır ətraf, xeyir güdən sevgilərlə
Səni sıxır yanaqların - süni hər güləndə
Bəlkə bir gün bağışlamağı tərgidəndə
Cəmi bir dostun qalar yanında, o da ki, özün
Sən məni incidirsən, toxunur hər bir sözün
Səmimi mahnılar artıq ən dərində üzür
Qalxmaq istəyəndə qırılır nərdivanlar
Yıxılan dərdi anlar, nə edək belədir özül
Şəhərdə hərə bir cürdür, hərə də bir cür dözür
Hərənin bir olsa da ürəyi, amma çoxdur üzü
Səni uzaqlara aparmaq istəyirəm bu şəhərdən
Qorxma! Mən dözməsəm də qanadlarım dözür
Take me away from here, take me away
Take me away, away, away from here
Take me away from here, take me away
Take me away, away, away from here
Yoxdur pəncərədən baxanda sevə biləcəyim şəhər
Yoxdur Bakının tüstüsündən artıq boğan qəhər
Yoxdur bu şəhərdə təmiz qəlblərin vəhdəti
Yoxdur mənim üçün dostların istifadə müddəti
Yoxdur inam heçkimə, yoxdur güvən heçkimə
İşi düşməyincə yoxdur zəng edən heçkimə
Yoxdur qələm, vərəq səmimiyyət bitib artıq
Elektron məktublarda sevgi itib artıq
Yoxdur gələcək planlar, gələcək özü yoxdur
Tanrını görməyənlərin yəqin gözü yoxdur
Yoxdur bu gün saf uşaqlıq illərinin izləri
Yoxdur artıq içimdə yaxşı insan olmaq istəyi
Yoxdur dünənlərdən bugünə miras bir şey
Yoxdur ayağım dəyməyən yer, dayaz hər şey
Məni apar bu şəhərdən, uzaqlar daha gözəl
Qorxma! Sən dözməsən də qanadların dözər
Take me away from here, take me away
Take me away, away, away from here
Take me away from here, take me away
Take me away, away, away from here