Eana Steckbrief pickt an jedem Eck
A jeda kennt die Plog
Oba des schert de Partie an Dreck
De reit ei am höliachtn Tog
Und beim Chef dakennst scho
An da schwoazn Brilln
Daß ea nua das Böse mog
Er is da beste Freind
Vom Shuffle-King
Und neben eam reit da Prinz
Dem King sei Kind
Und des Weibsbüd nebn eam links
De is a mit ihre Messa gschwind
Und i sog eich wieso dea
Mit'm Klavier so gfährlich grinst
Weu ea mit jedem Blattl gwinnt
Na, des san kane Guadn
De tuan de Leit vazahn
De störn die Zucht und Ordnung
Mit'm schiach Redn und mit laute Gitaan
Se mochn de Nocht zum Tog
Mochn Tanz und fian se auf
Grod so ois waans do bei uns daham
I sog eich: Varammelts fest de Tian
Nogelts de Fensta zua
Vasteckts Frau, Tochta und Kusin
Und paßts guad auf aum Buam
Weu de Partie
De Partie, De Partie
De Partie is in da Stodt
Und gibt vua muagn ka Ruah
Bsundas da Horak loßt nix aus
Des sixt eam scho von weidn au
Und hinter der Maske des Galans
Do steckt des Gfrast, da Romeo
Bis de Bagasch muagn
Wieda aus da Stodt is
Hama de Höll auf Erden do
Na, des san kane Guadn
De fressen und saufen uns no arm
Ham kan Respekt vua ana Sperrstund
Da bleibt bis in da Frua de Kuchl woam
Ham kan Respekt vua goanix
Hoidn Gott und de Guadn auf da Wöd
Ihr'n Lebtog lang fia an Narrn
Jo, so sans! Kane Guadn!
Huachts wos i euch sog!
Und bets und tats beten
Zum Himmelvata
Dass er uns a nächstes Moi
Vaschont von dera Plog!
Lord, have mercy!