Weu du sogst Figur
Angsogt woa jo damois
Haut und Baana
Vuan und hintn brettlebn
Zaundürr wia a Steckn woans
A Kurvn hods jo do ned gebn
Des host nua gsehn im Kino
Unta da Kombinesch
Von da Frau Loren
Jo Wia soll i sogn
Gfrogt woa damois
Haut und Knochn
I frog mi nua vo wem
I maan, wea gspiat
Gern a Krispindl
Und greift gern
Oiweu nua danebn
Oba de magern Joa
San jetzt vuabei
Und heit regiert
Das tralle Leben
Wia seinerzeit nua im Kino
Unta da De Kombinesch
Von da Frau Loren
Uandlich a Holz
Vua da Hüttn
Des is vo da
Natur a Segn
Und schee rund
Um den Bund a
Oiso wos spricht
Do dagegen
Weu schmalpickt
Bis zsammzwickt
Unterspickt host
Mea vom Leben
Und des waaß i ned nua ausn Kino
Und da KOMBINESCH
VON DA FRAU LOREN
De Rebhendlhaxln
Und Spatzenwadln
San lang passe
Und unmodern
De Sprudla, de Spragla
Und de Spennadla
Wiad kana wirklich
Nocherean
Da Hintern heit
Derf ham a Sitzfleisch
Vuabei de Zeit
Von de Zwetschkenkern
Und wann mi wea
Diesbezüglich frogat
I wissat und i sogats
So hob is gern.
Angsogt woa nua
Haut und Baana
Vuan und hintn
Brettlebn
Zaundürr wia
A Steckn
A Kurvn hods
Do ned gebn
Oba de magern
Joa san jetzt vuabei
Und heit regiert das
Tralle, pralle Leben
Wia seinerzeit nua im Kino
Unta da da Kombinesch
Von da Frau Loren