Mohamed Abdel Mottaleb - الناس المغرمين

Kishore Kumar Hits — Mohamed Abdel Mottaleb - الناس المغرمين lyrics

Artist: Mohamed Abdel Mottaleb

album: محمد عبد المطلب احلي الاغاني

بتقول و تعيد لمين . و بتشكى لدا و دا
الناس المغرمين . مايعملوش كدا
دول مهما تألموا . بيداروا ويكتموا
ولا يوم يتكلموا . ويشمتوا العدى
الناس المغرمين . ما يعملوش كدا .
الناس المغرمين . بيكونوا حنينين . ويخافوا ع الشعور
الصبر بيخلقوه . والبال بيطولوه . ويشوفوا الضلما نور
موش زييك يا جميل . لا عندك بال طويل
ولا بتداري الامور
وشاكيني لكم عذول . بقى هى دي الاصول
دنا عندي حق اقول . الناس المغرمين . ما يعملوش كدا .
تقول وتعيد لمين . ماانا اولى من الغريب
واقرب منه إليك
ومين فى الدنيا مين . هيكون زيي حبيب
روحو مابين إيديك
مخلص انا وامين . وانته امرك عجيب .
ودا كلو فايت عليك .
وشاكيني لكم عذول . بقى هى دي الاصول
دنا عندي حق اقول . الناس المغرمين . ما يعملوش كدا .

Поcмотреть все песни артиста