Rinn mi còrr is naoi mìle
'S ann tìr 's gun mi eòlach
A' dol a shealltainn na gruagaich
A bh' air a' bhuailidh na h-ònar
A' dol a shealltainn na gruagaich
A bh' air a' bhuailidh na h-ònar
Nuair a ràinig mi 'm baile
Cha robh iad 's mar bu chòir dhaibh
Nuair a ràinig mi 'm baile
Cha robh iad 's mar bu chòir dhaibh
Cha robh àit air luchd-ciùil ann
'S cha robh saod air luchd-òil ann
Cha robh àit air luchd-ciùil ann
'S cha robh saod air luchd-òil ann
Gu robh mnathan a' fuaigheal
Agus gruagaichean brònach
Gu robh mnathan a' fuaigheal
Agus gruagaichean brònach
Iad a' cumadh na lèine
Dhan euchdaig bu bhòidhche
Iad a' cumadh na lèine
Dhan euchdaig bu bhòidhche
'S ann a fhuair mi chraobh fhìnealt
'S i na sìneadh 's an t-seòmbar
'S ann a fhuair mi chraobh fhìnealt
'S i na sìneadh 's an t-seòmbar
'S i na sìneadh fon uinneig
Far nach chluinn mi do chòmhradh
'S i na sìneadh fon uinneig
Far nach chluinn mi do chòmhradh
'S i na sìneadh air dèilidh
Ann an lèine fuar reòite
'S i na sìneadh air dèilidh
Ann an lèine fuar reòite
'S daor a cheannaich mi 'n trusgan
A th' air a thrusadh mu d' dhòrnan
'S daor a cheannaich mi 'n trusgan
A th' air a thrusadh mu d' dhòrnan
Gu bheil mi cho duilich
Gun do ghiùlain mi 'n còta
Gu bheil mi cho duilich
Gun do ghiùlain mi 'n còta
Gu bheil snigh' air mo ghruaidhean
A' sìor bhualadh mo bhrògan
Gu bheil snigh' air mo ghruaidhean
A' sìor bualadh mo bhrògan
Feuch gun toir sibh dhomh bata
Gun toir e tacan 's an ròd mi