Freunderl kennst Du das Haus
Drun't am Paradeplatz
Da wo so maches Deandl
Ja drinnen hat sein Schatz
Und die dort drinnen sitzen
Die schaun so traurig raus
Das ist das teure teure "Laßt's mi aus"
Und die dort drinnen sitzen
Die schaun so traurig raus
Das ist das teure teure "Laßt's mi aus"
In da Friah um halbe sechse
Da geht der Jammer los
Da schepperns mit die Schlüssel
Da sperrns da's auf dei Schloß
Und mit die Wasserkübeln
Da rennens hin und her
Ja mit koan Maßkruag
Halt nimmer mehr
Und mit die Wasserkübeln
Da rennens hin und her
Ja mit koan Maßkruag
Halt nimmer mehr
Mittag um halbe Zwölfe
Da kriegst dann dei' Menage
Ja Freinderl die wenns seherst
Des is ein wahrer Graus
Erst wannst as fressen müaßast
Da kamst glei ins Spital
Da leberst aa nimmer lang verreckast bal(d)
Erst wannst as fressen müaßast
Da kamst glei ins Spital
Da leberst aa nimmer lang
Verreckast bal(d)
Auf d'Nacht um halbe Achte
Da kragst dann dei Matratzn
Ja Freunderl die is z'bissn
Ja von die Mäus und Ratzn
Und von die Läus und Flöh
Da hast halt aa koan Ruah
Ja bis in andern Tag
In aller Fruah
Und von die Läus und Flöh
Da hast halt aa koan Ruah
Ja bis in andern Tag
In aller Fruah
Ja meine liabn Leutln
Seids doch a bissl gscheid
Glaubts nur an einen Gott:
An die Gerechtigkeit
Es ist ein hartes Los
Wenn man verriegelt ist
Denn nur die Freiheit ist
Das Paradies
Es ist ein hartes Los
Wenn man verheiratet ist
Denn nur die Freiheit ist
Das Paradies
Eine alte Kupplerin
Die einst vorüber ging
Die dacht in ihrem Sinn
Da war i aa scho drin
Da wo kein Vogel singt
Und aa koa Zither klingt
Da is die Luft ned rein
Da sperrns di ein.
Da wo kein Vogel singt
Und aa koa Zither klingt
Da is die Luft ned rein
Da sperrns di ein.
(Das war die Sennerin
Von Sankt Kathrein)