Per i tre amis 'l gavadent, 'l ressia-ossa e 'l pistaunguent,
L'é bin neira,
Barba Miclin ca fasia 'l quart
Poedrà mai pì giughé sua part
Al sabat seira,
Al sabat seira.
Curia darera sensa fià,
'N lader ca j'avia rubà,
La sua crava,
Quand l'é scuntrase, bruta sort,
Propi 'n sua Maestà la Mort,
Ch'lu spetava,
Ch'lu spetava.
Sua Maestà, 'n sal marciapé,
Dal campusant fasìa 'l mesté,
'D la bagassa,
Cun 'l linsoeul tirà bin sù,
Per mustrè a tuti le virtù,
'D sua carcassa,
'D sua carcassa.
Barba Miclin ij crìa dré,
Cui oss ch'ij siàva da stermé,
Che sij cuata,
Le fumne majre em piasu nen,
Mutu bin meij na frisa 'd sen
E 'n po' 'd culata
E 'n po' 'd culata.
La Mort a l'é muntà a cavall,
L'ha pià la siassa dal faudal,
Ch' la cuvrìa
E l'ha sià cume 'n pruss coeit
Cul povr bun'omm
E bunna noeit,
Cusi sia,
Cusi sia.
Peui a l'ha dije " Fame 'l piasì,
Mi t'amu e sun stant'ani e pì
Che 't suvagnu,
E nost mariagi a l'è fissà
Da quand che tì t'ijeri 'n masnà,
T'ijeri 'n gagnu,
T'ijeri 'n gagnu.
'N ti mei brass 'd doevrass pì nen,
Mangé mac pipe e ressié fién,
Pan e siulle,
Pì nen paura 'n tij mei brass,
Di can, di luv, dij curnajass
E d' le ciule,
E d' le ciule.
A ij sarà gnun ch'a dirà "Beh,
Se 'd ven da scrive VIVA 'L RE,
'N s'la muraja,
Se 't voeuli scrive 'n sij cantun
VIVA LA RIVOLUSSIUN
Gnun ch'a braja,
Gnun ch'a braja.
Ij saran pì dij manigold,
Cha riessu a piete tuti i sold,
A la scupa,
'T l'avrass pì nen ruffian e padrun
Da tene a sinna e culassiun,
En s' la gruppa,
En s' la gruppa.
Me barba a l'ha seguì seren,
La bela ca l'era pì nen,
Tantu grassa,
Passin, passett a l'ha ciapà sù,
E da luntan a 'smijavu 'n monsù
E sua madama,
E sua madama.
Per i tre amis 'l gavadent, 'l ressia-ossa e 'l pistaunguent,
L'é bin neira,
Barba Miclin ca fasia 'l quart
Poedrà mai pì giughé sua part
Al sabat seira,
Al sabat seira.