Heast jetz is scho wieder Weihnochtn. I pock des ned
Ja Burli heast, die schenste Zeit im gonzen Johr. Die gonze Famülie is beinonda.
Jo, host recht Opa, oba hurch zua...
Am Christkindlmorkt auf aan zomponschten Punsch
Hoo hoo, zum Dirschtln gibt's immer aan Grund
Vanillekipferl und Weintrauben in Schokoguss
Auf des Klump homma murgen aan Magen-Darm-Verschluss
Im Maroni-Christbaamkugel-Gruppenzwang
Stöd sie mei Frau verzweifelt beim Heisl an
Im Gnack die Touristen mitn Stadtplan
Und die Kinder machen a Selfie mitn Weihnachtsmann
Oba wenns schneid hängt sie des Smartphone auf
Und die Gschroppen ziagen a Schnofal und woin zaus
Und während I an mein neichen Fernsehsessel denk,
Gibt ma des Christkindl a Werbegeschenk
Es g'friert da gspiebane Glühwein am Trottoir
Und die Sandler singan "Halleluja"
Heast denk noch, wos tuar I ma denn au?
Eigentlich is eh idyllisch, so wie jedes Johr!
So is Zweinochten bei uns daham
Da kummt die gonze Familie zomm
Es heat si jetzt zwor nach an Drama an
Oba es is no long, kaa Wöduntergang
Do wird aufputzt und aufkocht bei uns daham
In da Kuchl draad die Muada a Bioschweindl ham
Die Tochter is vegan, hoit nix von dem Tamtam
Und philosophiert über'n Weltuntergang
Da Voda mit da Hüsn draad si a Herndl zamm
Da Bruada feiert unter Palmen in Thailand
Und is die Verwondschoft erst amoi vor Ort
Gibt's glei a Streiterei umman Kaiser sein Bort
Im Ausland homs kaa Wossa und nix zum Essen
Bei mir daham wird fest g'soffen und g'fressen
Samma guad drauf nehmen wir uns bei den Händen
Und tan fia "Licht ins Dunkel" spenden
Die Nachbarn singen "Last Christmas" in da Fettn
Während sich die letzten Hirnzölln a no zersetzten
Und da Karli zind mit da Sternschnuppen in Christbaum au
Eigentlich is eh idyllisch, so wie jedes Johr
So is Zweinochten bei uns daham
Da kummt die gonze Familie zomm
Es heat si jetzt zwor nach an Drama an
Oba es is no long, kaa Wöduntergang
Die Gschroppen zerlegen die bunten Packerl
Das Christkind bringt Unterhosen statt Plastikmaxerl
Da Voda kriagt a Stongan Tschick und a Kravatal
Die Muada aan Crosstrainer fias Wohlstands-Wamperl
Ein Hoch auf die Hockn, es 13te Gehalt
Glei is wieder weg, des is höhere Gewalt
Täglich im Einkaufszenter Klumpat kaufen
Des ma noch die Feiertog eh wieder umtauschen
Ein Prost auf Leber, Galle, alle Innerein
Am Erschten einen guten Rutsch, auch für den Nierenstein
Die Mistkiwen gengan über und es rengt Lametta
Das ist Tradition, die 48er raamts scho wecka
Danke, I verloß die Runde, setzt mi unter die Brucken
Und schlürf mit die Sandler a Nudelsuppen
Heast denk noch, wos tua ma uns denn au?
Eigentlich is eh idyllisch, so wie jedes Johr
So is Zweinochten bei uns daham
Da kummt die gonze Familie zomm
Es heat si jetzt zwor nach an Drama an
Oba es is no long, kaa Wöduntergang
So is Zweinochten bei uns daham
Da kummt die gonze Familie zomm
Es heat si jetzt zwor nach an Drama an
Oba es is no long, kaa Wöduntergang