Antrue
Magdalena – des is ka Problembezirk
Es is hoit a Gegend wo ma gmiadlich nu sei Leben führt
Es is sicher ned da beste Spot zum Party mochen
Es is fost scho bürgerlich in da Galvanistroßen
Es is a reichs Viertel, doch a Drogen hom so
Maunche Freind von mir noch unten zogen wie a Bleigirtl
Im Biesenföd kummst da vor wie in da DDR, und weng dem Flair
Is wohrscheinlich grod deswegen so lebeneswert
In Magdalena herrscht da Woihstand, ma is gut situiert
Und hot ma Leichen im Keller, daunn san s' mumifiziert
I wohn mei gaunzes Leben do und hobs a nie bereut
I glaub wir gengan wirklich durch ois Österreichs Beastie Boys
In Urfahr san nur LASKler – i red von oide Zeiten
A i wor daumois für a Neichtl auf da foischen Seiten
Es worn zehn Johr SKM represent
Und seit 1997 vom SKV a echter Fan
Und de Poolpartys kosten mi an Locher
Bei am Freind in seiner Villa yo mim Scharinger ois Nochbor
Mit Magdalena verbind i Freind fürs Leben, des sois geben
Doch a Freind von friha aus dera Gegend
Skaten in da Unterführung, Fuaßboi spün am Stegerplotz
Breaken oder Writen so am Tog wos a ned jeder mocht
I siag heit nu Tags von domois und i füh' mi wie a Kind
Do im Norden wo scho s' Mühlviertl beginnt
Und es legt si scho da Smog über de Heisa
Da Nöbi liegt über da Stodt so wie a Schleier
Nur In Magdalena moin de Mühln einfoch weider
This is the place / with style and grace /where I come from
Es is a Viertl wo ma um sei Kind ka Aungst hobn braucht
Dem wird jo net amoi die Schaufi ausm Saundkostn klaut
Und wei si jeder in da Nocht auf d' Stroßn traut
Wird ana Frau nie die Haundtoschen g'raubt
Ma mecht behauptn do is nia wos los
Oba grod des wird do oben im Nordn gfeiert ois wia nua wos
Jeder wü sei Ruah haum, doch is a Würbi daunn wü
Jeder zuaschaun – wer hot die greßern Glupschaugn
Wir hom domois Supreme NTM aus 'm Fenster blosn
Wie da DJ Cut Killer in La Haine
Haum voller Motivation am Linoleumbodn
Acrobatics probt – zu Rolling on Chrome von Aphrodelics
Es wor die Kombination aus Freindschoft und Flavour
Des is mei Magdalena! Na, Zeit vergeht net
I bin in meiner Gegend seiner Zeit Leit begegnet
Heit sans Freind fürs Leben
Wir haum unsan Füm gfohrn – zwor ohne Zü vor Augn
Oba deswegn is 's uns a nie zvü wordn
Zwischen Biesenföd und Feierwehrpark
Worn olle meine Hawara auf a poar Heisa vastrat
Unser Verhoitn wor oft ordnungswidrig, i woaß
So maunche Vorschrift wor für Oasch und Friedrich
I loss mi treibn wie Zugvegel im Wind
Wie domois in Magdalena wo 's Mühlviertl beginnt