Kishore Kumar Hits

The McCalmans - Up and Rin Awa Geordie lyrics

Artist: The McCalmans

album: Peace & Plenty


Rise up an' rin awa', Geordie
Up an' rin awa', Geordie
For feint a stand in Cumberland
Your troops can mak ava, Geordie
Your bauld militia are in qualms
In ague fits an' a', Geordie
And auntie Wade, wi' pick an' spade
Is delving through the snaw, Geordie
The Highland dogs, wi' hose an' brogues
They dree nae cauld at a', Geordie
Their hides a' tanned like Kendal bend
An' proof to frost an' snaw, Geordie
They dive like moudies in the yird
Like squirrels mount a wa', Geordie
An' auld Carlisle, baith tower an' pile
Has got a waesome fa', Geordie
Prince Charlie Stuart's ta'en the road
As fast as he can ca', Geordie
The drones to drive frae oot the hive
An' banish foreign law, Geordie
He's a'er the Mersey, horse an' foot
An' braid claymores an' a', Geordie
An' awsome forks, an' Highland dirks
An' thae's the warst of a', Geordie
Rise up an' rin awa', Geordie
Up an' rin awa', Geordie
For feint a stand in Cumberland
Your troops can mak ava, Geordie
Your bauld militia are in qualms
In ague fits an' a', Geordie
And auntie Wade, wi' pick an' spade
Is delving through the snaw

Поcмотреть все песни артиста

Other albums by the artist

Similar artists