Kaygandang pagmasdan ang kapaligiran
Dahil sa taglay na kulay ng pasko
May kulay ba ang pasko, pula, puti ba o ginto?
O kahit ano, may kulay ba ang pasko?
Subalit pawang mali, mga kulay na nabanggit
Hindi mo ba batid ang kulay ng pag-ibig
Ang kulay ng pasko di mo makikita kailanman
Ito'y nararamdaman kung tayo'y nagmamahalan
Ang kulay ng pasko kung nais mong masdan
Matatagpuan lamang sa abang sabsaban!
Mga parol at krismas tri, bagong sapatos at damit
Kulay nila'y kayganda subalit kulang pa
At kahit na punong-puno ang medyas ni Santa Klaus
Hindi pa rin ganap ang nadaramang galak
Mga batang nagkakaroling, awit nila ay iyong dinggin
Nagsasabing kulay di sapat,kung puso sa pag-ibig ay salat
Ang kulay ng pasko, di mo makikita kailanman
Ito'y nararamdaman kung tayo'y nagmamahalan
Ang kulay ng pasko kung nais mong masdan
Matatagpuan lamang sa abang sabsaban
Ang kulay ng pasko, kung nais mong masdan
Nagliliwanag at kaytingkad nagniningning o kayganda
Matatagpuan lamang sa abang sabsaban.