Arany Zoltán - Palästinalied - Lyrics, Similar artists

Kishore Kumar Hits — Arany Zoltán - Palästinalied lyrics

Artist: Arany Zoltán

album: Laudator Temporis Acti

Nû alrêst lebe ich mir werde,
Sît mîn sündic ouge siht
Daz hêre lant und och die erde,
Dem man vil der êren giht.
Mirst geschehen, des ich ie bat,
Ich bin komen an die stat,
Dâ got menschlîchen trat.
Schœne lant, rîch unde hêre,
Swaz ich der noch hân gesehen,
Sô bist dûz ir aller êre,
Waz ist wunders hie geschehen:
Daz ein maget ein kint gebar,
Hêre uber aller engel schar,
Was daz niht ein wunder gar?
Hie liez er sich reine toufen,
Daz der mensche reine sî.
Dô liez er sich hie verkoufen,
Daz wir eigen wurden vrî.
Anders wæren wir verlorn.
Wol dir sper, cruze unde dorn!
Wê dir, heiden! daz ist dir zorn.

Поcмотреть все песни артиста