Jedesmal am Flohmi muesi öppis chaufe
Ich cha unmöglich ohni irgendöppis uselaufe
Es mues gar nöd vill choschte, es chunnt nöd so druff aa
Will eifach öppis poschte woni sammle cha
Am liebschte hani alti Platte, alti Film und Filmplakat
Portraitbilder mit Grawatte us em Fotiautomat
Autoschlüssel, Velonummere, Poschtcharte us Afrika
Chlüpli, Nägel, Bürochlammere, alles wommer sammle cha
(Alles wommer sammle cha, alles wommer sammle cha)
Schtatt das alles in Chübel rüere, chammers au sammle und sortiere
Ufschtelle, zelle, butze und pfläge, oder eifach in es Album chläbe
Im Chüelschrank hät's no Platz (ich cha nüüt furtrüere)
Und im Chörbli vo de Chatz (ich cha nüüt furtrüere)
Bi andre Lüüt im Eschtrich und im Brockehuus
Deet gseht's zimmli ähnlich wie bi mir diheime us
Ich ha mit mim Schatz gredt, sie meint, es wär es Wunder
Wänn's bi mir no Platz hett für no meh alte Plunder
Münze, Märkli, Zuckersäckli, Deckeli vom Kafirahm
Tierkaländer, Fuessballbildli, Billet vo de Zahradbahn
Liebesbrief und Poschtilischte, es Mikrofon wo nümme gaht
Und ich han e ganzi Chischte Kassettli mit Bandsalat
(Alles wommer sammle cha, alles wommer sammle cha)
Schtatt das alles in Chübel rüere, chammers au sammle und sortiere
Ufschtelle, zelle, butze und pfläge, oder eifach in es Album chläbe
I de Badwanne hät's no Platz (ich cha nüüt furtrüere)
Und uf em Chratzbaum vo de Chatz (ich cha nüüt furtrüere)
♪
♪
Schtatt das alles in Chübel rüere, chammers au sammle und sortiere
Ufschtelle, zelle, butze und pfläge, oder eifach in es Album chläbe
I de Gummistiefel hät's no Platz (ich cha nüüt furtrüere)
I de Kapuze vom Rägeschutz (ich cha nüüt furtrüere, ah, elegant)
Es git so vill schöni Sache (ich cha nüüt furtrüere, momol)
Ich mues nur bitzli Ornig mache (ich cha nüüt furtrüere, das gseht us wie neu)
Lueg emol, so viel schöni Schtei und Muschle usem Meer (ich cha nüüt furtrüere, was hesch zallt?)
En ächte Indianerspeer (ich cha nüüt furtrüere, jo, die sind jetzt wieder in Mode)
Es arabischs Kafipfännli, Gartezwerge, Heinzelmännli (ich cha nüüt furtrüere, chasch di nöd beschwere)
E goldigi Schtänderlampe, ich bin e Flohmi-Tante (ich cha nüüt furtrüere, jo, bruch's ebe gliich)
Es Gampiross mit brunem Fell (ich cha nüüt furtrüere, gseht benutzt us)
Es Airbrush-Bild vom Willhelm Tell (ich cha nüüt furtrüere, das muesch zruggeh)
En Chübel voll Papierabfäll (ich cha nüüt furtrüere, das hani mir scho immer gwünscht)
Ich bruch nomol es Büechergstell (ich cha nüüt furtrüere, da bini jetzt fascht echli nidig)
En Töffhelm, ganz en alte (ich cha nüüt furtrüere, das Züg chunt furt)
Ich mues alles phalte, e Serviette und mis Holzfäll (ich cha nüüt furtrüere)