Wänn di Erwachsene am Aabig Bsuech händ, dänn ässeds schtundelang
Und wänn dänn d'Chind emal im Bett sind, bringeds de nögschti Gang
Sie schwätzed, sie schtriited und sie lached und schletzed au no d'Türe zue
Wänd die ächt da übernachte? Wänn gänd die ändlich Rue?
S'wird langsam Ziit, dass öpper seit
"Jetz müemer hei, es tuet mer leid"
Und s'Einzig won ich no ghöre möcht
Isch: "Merci villmal, tschau zäme und guet Nacht"
Tschüss, guet Nacht
Tschüss, guet Nacht
Tschüss, guet Nacht
Wie luut sone Horde Erwachseni cha si
Lüüter als s'Hörschpiel vom Schällenursli
Lüüter als e Schuelklass uf de Schuelreis
Gönd's jetz? Nei, sie trinked namal eis
D'Chind im Bett, die fröged sich bitz: "Händ die de Verschtand verlore?"
Paar Meter wiiter i de Stube git's e Disco für Seniore
Häsch ghört, sie leged d'Jagge aa und öpper suecht e Chappe
Aber sie wänd nur uf de Balkon gah zum frischi Luft go schnappe
S'wird langsam Ziit, dass öpper seit
"Jetz müemer hei, es tuet mer leid"
Und s'Einzig won ich no ghöre möcht
Isch: "Merci villmal, tschau zäme und guet Nacht" (guet isch öpper no bi eus)
Tschüss, guet Nacht (das machemer wieder emol)
Tschüss, guet Nacht (aber gell, mir gsehnd eus bald wieder)
Tschüss, guet Nacht (ha eigentlich scho lang welle gah)
Tschüss, guet Nacht (isch so fein gsi)
Tschüss, guet Nacht (also eine nimsch no, hey, 20 vor Schluss)
Tschüss, guet Nacht (hey, das Rezept vo dem Dessert muesch mer gäh, gell)
Tschüss, guet Nacht (no eine, isch do no frei?)
Marlis, chum jetze
Weisch wa? Chunt mer grad no öppis in Sinn
Ich mues no schnell hole
Isch schön gsi, tschüss zäme, tschau (machs guet)
Genau, jo, im Auto
Du, wo isch mini Brülle?
Uf de Nase (aah)