Vor langer, langer, langer Ziit, oder no chli früener
Häts uf de Wält scho Eier gäh, aber no kä Hüehner
Me hät deet wiit und breit no überhaupt kän Mänsch aatroffe
Defür sind riisegrossi Dinosaurier umegloffe (D-D-D-Dino, D-D-D-Dino)
Sie händ mit irne lange Häls ganzi Bäum abgweidet
Aber de einte isch das Grüenzüüg verleidet
Die händ denand gägesiitig d'Bei uusgrisse
Und mängisch sogar zmitzt is Füdli bisse (Dino, Dinosaurier)
Dinosaurier sind gnau wie mir gärn im Garte gsässe
Und händ glueget, öb grad en Vulkan uusbricht
Bim Warte händs am liebschte Fleisch vo andre Arte gfrässe
Und vilicht händs gjammeret wäg Übergwicht
Die einte sind grösser gsi als e Turnhalle
Mit Bei wie Baumschtämm und gföhrliche Chralle
Und s'hät au sänig gäh mit Schtachle und Zacke
Und vill scharfe Zäh zum die andere packe (D-D-D-Dino, D-D-D-Dino)
Die Chliine händ sich müese im Gebüsch go verschtecke
Und händ uf gar kein Fall törfe de Chopf useschtrecke
Suscht isch de Chopf gschnäll imene grosse Muul verschwunde
Und gfrässe gsi ines paar Sekunde (Dino, Dinosaurier)
Dinosaurier sind gnau wie mir gärn im Garte gsässe
Und händ glueget, öb grad en Vulkan uusbricht
Bim Warte händs am liebschte Fleisch vo andre Arte gfrässe
Und vilicht händs gjammeret wäg Übergwicht
Saurier sind grausami Frässmaschine
Alles wos verwütsched biigeds ine
Sie frässed und suufed vo allem en Huufe
Und zum Dessert gits lauwarmi Rieseschpine (D-D-D-Dino, D-D-D-Dino)
Brachiosaurus, Tyrannosaurus
Flugsaurier, Flossesaurier, Schlaumeier-Saurier
'S hät schtändig Schtriit gäh und bluetigi Kämpf
Sie händ denand gfrässe mit Ketchup und Sämf
Ketchup und Sämf
Ketchup und Sämf
Ketchup und Sämf
Und Mayonnaise
Dinosaurier sind gnau wie mir gärn im Garte gsässe
Und händ glueget, öb grad en Vulkan uusbricht
Bim Warte händs am liebschte Fleisch vo andre Arte gfrässe
Und vilicht händs gjammeret wäg Übergwicht