En chliine Igel lauft ganz ällei dur de Wald
Er isch no ganz jung, erscht öppe 12 Wuche alt
Er hät e suuber gwäsches Muul
Und e schtachligi Gelée-Frisur
Er findt, er seg de Schönscht im ganze Wald
Aha, ich bin en chliine Igel
Ja klar, ich heiss natürlich Chrigel
Aha, ihr finded mich en Schnügel
Ja klar, ich bin en gschniglete Igel
♪
Wänn en Fuchs, wo Igel frisst, zum Chrigel chunnt
Dänn rollt er sich zämme und macht sich chugelirund
Sogar de Fuchs gseht's ii
"Dä lahni gschiider sii"
Well er suscht e bluetigi Nase überchunnt
Aha, ich bin en chliine Igel
Ja klar, ich heiss natürlich Chrigel
Aha, ihr finded mich en Schnügel
Ja klar, ich bin en gschniglete Igel
♪
E Schlange hät gluuret hinderem Haselschtruuch
Vier Meter lang und dick wie en Garteschluuch
Sie isch rund um de Chrigel kroche
Und hät sich a de Schtachle gschtoche
Däre tuet's bis hüt no weh am Buuch
Aha, ich bin en chliine Igel
Ja klar, ich heiss natürlich Chrigel
Aha, ihr finded mich en Schnügel
Ja klar, ich bin en gschniglete Igel
Aha, ich bin en chliine Igel
Ja klar, ich heiss Chrigel
Aha, ihr finded mich en Schnügel
Ja klar, ich bin en gschniglete Igel