D'Frau Häberli gseht hässig us, sie chunt grad usem Bett
Es stinkt ere ganz grauehaft, dass sie go schaffe sött
Sie muess au no zum Zahnarzt hüt, das schnäggelet sie ah
Bim Useluege merkt sie aber, sie cha gar nöd gah
I de Nacht hets gschneit, es isch alles wiiss
Hüt chunsch nöd wiit, uf de Stross hets Iis
I de Nacht hets gschneit und es schneit no meh
Vor de Tür hets fascht en Meter Schnee
Schnee, Schnee, Schnee
Dä Thomas sött sis Velo butze, s'lehnt am Gartehag
Aber für das isch es hüt glaub nöd de richtig Tag
Dä Gartehag isch numme no e wiissi Muur us Schnee
Und s'Velo, wo det sötti stoh, das gsehsch niene meh
I de Nacht hets gschneit, es isch alles wiiss
Hüt chunsch nöd wiit, uf de Stross hets Iis
I de Nacht hets gschneit und es schneit no meh
Vor de Tür hets scho drü Meter Schnee
Schnee, Schnee, Schnee
Mir leged eus warm ah bim Usegah, Händsche, Halstuech, Chappe
Dezue die höche Winterschueh und e dicki Jacke
Mir boued zerscht en Schneemaa und denn gits e Schneballschlacht
Und wenn's no langget, gömmer no go schlittle vorem Znacht
Schnee, Schnee, Schnee
Schufle nützt scho lang nüt meh, de Schnee deckt alles zue
S'ganzi Huus isch iigschneit bis zum Chämi ue
Mir grabed eus zum Feischter us es Tunnel dur de Schnee
Und denn git's i de Schneehütte zum Zvieri heisse Tee
I de Nacht hets gschneit, es isch alles wiiss
Hüt chunsch nöd wiit, uf de Stross hets Iis
I de Nacht hets gschneit und es schneit no meh
Vor de Tür hets 15 Meter Schnee
Schnee, Schnee, Schnee
Schnee, Schnee, Schnee
Es het 15 Meter Schnee