Ich wett ich hett en Zauberstab und au de Spruch derzue
Mit so me chliine Zauberstab, da wüsst ich scho was tue
Würd zaubere dass niemer meh uf däre wiite Wält
Müesst Hunger oder Sorge ha und nie me z wenig Gäld
Ich würd druf achte Lüüt z entmachte wo nur sich sälber gesehnd
Und würd druf luege dass die Kluge vorne am Stüürrad sind
Hol s Stäbli us em Spind
Ja dänn gieng alles gschwind
Mit em Stäbli i der Hand
Würd zaubere dass alli Lüüt vil Freud am Läbe händ
Und schätzed was sie händ und nöd nur wüssed was sie wänd
Ich würdi rüge wo Betrüger liecht durs Läbe gönd
Und für die lüged wo betrüged bis si s nümme chönd
Hol s Stäbli us em Spind
Ja dänn giengi alles gschwind
Mit em Stäbli i der Hand
Würd zaubere dass ab sofort d Luft wider suuber wär
Und s Wasser rein und d Berge gsund, ja das wär visionär
Würd allne unter d Arme griffe wo s ebe nötig händ
Und d Egoischte müend begriffe alls hätt emal es Änd
Hol s Stäbli us em Spind
Ja dänn gieng alles gschwind
Mit em Stäbli i der Hand
I wett i hett en Zauberstab und au de Spruch derzue
Ja so en chliine Zauberstab dä chämi nie zur Rueh