Es isch ohni Zwiifel klar, s'gitt ein Tag im Zürcher Jahr
Ja da findet d'Zürcher Züri sogar glatt
De Sankt Peter leit sich daa siini schönschte Fahne aa
Und de Üetliberg hätt Freud a siinere Schtadt
Me chan am Limmatquai vergnüegti Mänsche gseh
Wänn de Zöifter zu de Marschmusik marschiert
D'Chind gsehnd d'Vättere paradiere
S'Mami Bluemeschtrüssli rüere
Und am Bellevue wird de Holzstoss präpariert...
Wänn de Böögg verbrännt wird's Früelig!
Dänn vertwachet Züri us em Winterpfuus
Wänn de Böögg verbrännt wird's Früelig!
Und am Züriberg schlönd Schlüsselblüemli uus
Wänn am Sächsilüüte d'Glogge sächsi lüütet
Weiss en jede Zürcher gnau, was das bedüütet:
Wänn de Böögg verbrännt wird's Früelig
Z'Tüüfebrunne, z'Wollishofe, ide Klus!
S'griift eim jedes Mal a d'Seel, trampet s'Kämbel Zauft-Kamel
Dur d'Bahnhofstrass uf wie dihei bim Zoo
Und wänn Wiedike und Hard mit de Wäge durefahret
Isch scho mängem ganz versteckt es Tränli cho
De Weggen hoch zu Ross und d'Metzger mit de Schoss
Plus au d'Schniider, Hottingen etcetera...
Staut sich dänn am sächsi d'Mängi über d'Quaibrugg bis id Engi
Fangt der Umritt vo de Riitergruppen aa...
Wänn de Böögg verbrännt wird's Früelig!
Dänn vertwachet Züri us em Winterpfuus
Wänn de Böögg verbrännt wird's Früelig!
Und am Züriberg schlönd Schlüsselblüemli uus
Wänn am Sächsilüüte d'Glogge sächsi lüütet
Weiss en jede Zürcher gnau, was das bedüütet:
Wänn de Böögg verbrännt wird's Früelig
Z'Tüüfebrunne, z'Wollishofe, ide Klus!