Oh Walesee, oh Walesee
Für mängä bisch en Qualesee
A diine stolze Uufer z hange
I kilometerlange Schlange
Mit muffe, müede, heisse Grinde
Wo sich scho freued uf Graubünde
Oh Walesee, oh Walesee
Du Bräms-Chlotz uf em Wäg in Schnee
Mer findt das Warte an sich tödli
Trotz härtä Eier, Vollkornbrötli
Als Prophylaxe gchauft vom Mami
Mit Vakuum verpackt's Salami
Als Ziitvertriib im Schlange-Gnodder
Lost alls im Auto Radio Soder
Und gnüüst bim Warte hinderem Stüür
Als Vorfreud Sprüch vom Gmür
So wiener red ischs en Erlabig
Dänn derthii wämmer - nur wird's halt aabig
Oh Walesee, oh Walesee
Für mängä bisch en Qualesee
A diine stolze Uufer z hange
I kilometerlange Schlange
Mit muffe, müede, heisse Grinde
Wo sich scho freued uf Graubünde
Oh Walesee, oh Walesee
Du Bräms-Chlotz uf em Wäg in Schnee
Für villi aber sind die Schtündli
Wo mer derte Schritt um Schritt
Mit Frau und Chind und Schii und Hündli
De Kupplig tuusig Fuesstritt gitt
Ä Glägeheit zum sich z Relaxe
Schtiigsch uus, vertrampisch diini Haxe
Fansch aa mit Hopp-Zwei-Günthardt z turne
Im Blickfäld schräg links Niederurnen
Bim Bärg duruf und bärgab sprinte
Merksch vis-à-vis das isch ja d Quinte!
Oh Walesee, oh Walesee
Für mängä bisch en Qualesee
A diine stolze Uufer z hange
I kilometerlange Schlange
Mit muffe, müede, heisse Grinde
Wo sich scho freued uf Graubünde
Oh Walesee, oh Walesee
Du Bräms-Chlotz uf em Wäg in Schnee
So bringt dä Chnopf in richtig Chur
Au positivs zrugg zur Natur
Vergässe isch de grööschti Zorn
Bim Böckli gumped s Mühlihorn
Und schliessli wär au schampar glatt
Ä Schnitzeljagd dur Walestadt
Und statt scho z wädle uf de Länzer
So machsch halt Yoga am Keränzer
Im Ostland fahrsch a allem dure
Bi eus chasch warte, luege, schnurre
Oh Walesee, oh Walesee
Für mängä bisch en Qualesee
A diine stolze Uufer z hange
I kilometerlange Schlange
Mit muffe, müede, heisse Grinde
Wo sich scho freued uf Graubünde
Oh Walesee, oh Walesee
Dich sött me nur vom Schiff uus gseh