De Ruedi chunnt vom Schaffe hei
Und möchti gärn es Spiegelei
So richtig schön mit Späck im Anke ässe
Doch d Frau rüeft vo der Chuchi her
"Oh, leider isch de Chüelschrank leer
I ha no dänkt i heigi das vergässe!"
De Ruedi brüelet "Nei! Ich wott mis Ei!"
Jetzt isch de Zapfe ab!
Jetzt isch de Zapfe ab!
Nur ja käs Wort, es hätt kei Zwäck
Bisch sälber Gschuld jetzt häsch de Dräck
Jetzt isch de Zapfe ab!
Oh herrje! Oh herrje! Oh herrje! Oh herrje!
D Frau Meier chunnt vom Kafi-Schwätz
Zum Auto zrugg und oh hä lätz!
Do merkt si "Jechters, s isch scho nach de viere!"
Das heisst, dä Wage schtaaht scho rund
Zwei Stunde länger als e Stund
Und prompt gseht si en Polizischt notiere
Sie luegt dä Zättel aa und dänkt "Ja ja..."
Jetzt isch de Zapfe ab!
Jetzt isch de Zapfe ab!
Nur ja käs Wort, es hätt kei Zwäck
Bisch sälber Gschuld jetzt häsch de Dräck
Jetzt isch de Zapfe ab!
Oh herrje! Oh herrje! Oh herrje! Oh herrje!
De Tokter Müller vis-à-vis
Ladt Fründe zuenere Party i
Und als Gluwo [?] d'Stimmig sötti bringe
Seit plötzli gäg de nüüne zue
De Tokter Müller "Bitte Rueh!
Mi Frau wird jetzt en Opere-Arie singe!"
Scho nach em erschte C dänkt alls "Oh je..."
Jetzt isch de Zapfe ab!
Jetzt isch de Zapfe ab!
Nur ja käs Wort, es hätt kei Zwäck
Bisch sälber Gschuld jetzt häsch de Dräck
Jetzt isch de Zapfe ab!
Oh herrje! Oh herrje! Oh herrje! Oh herrje!
De Guschti chunnt am halbi drü
Am Morge hei mit weiche Chnüü
Und will sich liislig i sis Bett ie taschte
Är düüselet id Stube ie
Är wott im dunkle d Schueh abzieh
Gheit um und tschätteret chopfvora in Chaschte
S isch klar das d Frau vertwacht und Lärme macht
"Oh, bisch no wach...?"
Jetzt isch de Zapfe ab!
Jetzt isch de Zapfe ab!
Nur ja käs Wort, es hätt kei Zwäck
Bisch sälber Gschuld jetzt häsch de Dräck
Jetzt isch de Zapfe ab!