Hüt z'Abig findt im Rösslisaal
S'Chränzli statt vom Turnverein
Es ladt au hüür wie jedes Mal
Die Frauen-Männer-Knaben-Riege ein
Z'erscht macht s'Marilli Stutz en Hupf
Und druf de Guschti Stutz en Hoselupf
Dänn fangt de Präsident en Aasprach aa
Und redt im spezielle vo de Tombola
Hüt z'Abig findt im Rösslisaal
S'Chränzli statt vom Turnverein
Es ladt au hüür wie jedes Mal
Die Frauen-Männer-Knaben-Riege ein
Im ganze Dorf, in allne Läde
Sind d'Turner scho sit Mönet draa
Und händ die frisch-fromm-freie Fädel
Der Freundschaft zoge ghaa
Us gwohnet hett dänn de Drogischt
Bim Bahnhof zue de Detaillischt
D'Frau Huber vo der Mercerie
De Wirt vom Chrüütz drei Flasche Wyy
Als Priis für s'Chränzli gschänkt
Und keine hätt das dänkt
Mir hätt drüü päärli Wuulesöckli
Es blüemlets Barchents-Pyjama
E Pfanne und es Kasseblöckli
Uf einere Rundi gsammlet gha
Hüt z'Abig findt im Rösslisaal
S'Chränzli statt vom Turnverein
Es ladt au hüür wie jedes Mal
Die Frauen-Männer-Knaben-Riege ein
S'isch klar dass all es Lösli chauft
Dass d'Tombola wie geöölet lauft
Und jedä Chäufer gseht scho rosig
Sich als de Star vo der Verlosig
Hüt z'Abig findt im Rösslisaal
S'Chränzli statt vom Turnverein
Es ladt au hüür wie jedes Mal
Die Frauen-Männer-Knaben-Riege ein
De Metzger git ä Zungewurscht
En Harrass Bier gäge de Durscht
Dänn wiiter d'Schwiizer Wanderfibel
Sardine vo me Comestible
Än Schruubezieher, zäh Fingerhüet
Än Kaktus vo ne Nacht lang blüet
Ä Handcrème und e Körperspray
Äs Fotibüechli vo Surlej
Äs Arrangement mit Hyazinthe
Ä Wasserspiilzüügflinte
Ä Platte Occasion vom Händel
Drei farbig Après-Ski-Schuehbändel
Das alles liit wenn's Chränzli isch
Als Träffer uf em Tombola-Tisch
Hüt z'Abig findt im Rösslisaal
S'Chränzli statt vom Turnverein
Es ladt au hüür wie jedes Mal
Die Frauen-Männer-Knaben-Riege ein
S'isch klar dass all es Lösli chauft
Dass d'Tombola wie geöölet lauft
Und jedä Chäufer gseht scho rosig
Sich als de Star vo der Verlosig
Hüt z'Abig findt im Rösslisaal
S'Chränzli statt vom Turnverein
Es ladt au hüür wie jedes Mal
Die Frauen-Männer-Knaben-Riege ein
Äs chunnt dänn so wie's immer chunnt:
De Fritz vom Schuegschäft gwünnt dä Bund
Drüü farbig Après-Ski-Schuehbändel
Und dä vom Musig-Gschäft de Händel
Vor allem gwünnt de Metzger-Burscht
Äm Meischter siini Zungewurscht
Dä Fotograf s'Buech vo Surlej
Und dä Drogischt de Körperspray
Und klar de Gärtner Hindermaa
Siis Hyazinthen-Arrangement
Wänn's Jodelchörli inere Wuche
Au wider Gabe sötti bruuche
Gänd alli Schpänder s'gliich wie hüt
So choschtet's Schänke s'ganz Jahr nüt
Wil's ihri Priis ja heizue träged
Und alli Lüüt im Dörfli sääget
"Mir müend zu dem go Poschte gah
Dä git für jedi Tombola!"