Líf mitt enginn dans á rósum er
Almættið var ekki' að halda' af sér
Skrokksins samhæfing er skelfileg
Skaðabótaskylda ergileg
Groddalegur þótti ég í grunnskóla
Um gólfið tók að hringsóla með látum
Á diskótekunum
Og sló óvart helminginn af krökkunum
Menntaskólaárin voru mun
Merkilegri' í minni afneitun
Engum virtist líka dansinn minn
Ég var Macarenaböðullinn
Og ég finn að þetta nisti inn í bein
Og þótt ég hafi stúlku eina rotað
Í miðjum vangadans
Þá var það því ég féll í dansins trans
Því ég þráði að dansa
Ég þráði dans í líf mitt og fang
Langaði aldrei að stansa
Þó lærin væru bólgin og blá
Þyrsti í tangó og tvista
Og trylltist alveg ef ég heyrði Traustan vin
Og vildi bakhlutann bandóður hrista
Og breika heilu dansiböllin
Þörfina ég bældi í mörg ár
Eingöngu því fólk fékk hörundssár
Ég hætti' að dansa því á fólki sauð
Einhvern daginn verða þau öll dauð
Svo að ég bauð mér sjálfum upp í trylltan dans
Og sendi boð til líkamans
Þú dansar eins og vindurinn
Því kannski kemur bráðum endirinn
Kannski verður enginn morgundagurinn
(O ég þrái að dansa)
Ég þrái' að dansa dag bæði' og nótt
(Langar aldrei að stansa)
Þó lungnaparið sé orðið mótt
(Dansa ról bæði' og ræla)??
Og reyna snúning
Þó ég skalli kannski borð
Og því mun fylgja algjör alsæla
Með augun tárvot hvísla ég þessi orð
Ég vil, ég vil víst dansa
Ég vil dansa alveg eins og þið hin
Ég vil, ég vil víst dansa
Ég vil dansa alveg eins og þið hin
Ég má, ég má víst dansa
Ég má dansa alveg eins og þið öll hin!
Ég mun, ég mun víst dansa
Ég mun dansa meira' en þið!
La la lalalalalala
La la la lalalalalala
La la lalalalalala
La la la lalalalalala
La la lalalalalala
La la la lalalalalala
La la lalalalalala
La la la lalalalalala
Ég mun, ég mun víst dansa!