Ogni canzunetta milanese
La gha dev'es crudel e sbarazzina
Questa che ve canti l'è carina
Offendeves minga per piaser
Gh'è un caffè nascosto in d'ona piazza
Frequentà da tante donne belle
Ma fra queste troppe gagarelle
Alle cinque vanno a bev el tè
La Gagarella del Biffi Scala
Quand'in quattr'ur le la bisca scoeula
La troeuva sempre ona quai bala
Per vess lì pronta a bev el tè
La 'riva in bici con stile vario
La se divert propri un putiferio
La fa la tonta come el Macario
La dis "Pisquano" e la canta "olè"
A lei piacciono le Morris e le Cammel
Oh, le Cammel ancor di più
E l'annega i dispiaceri cont el Kummel
Cont el Kummel e nulla più
La va alla Cozzi la gagarina
Tri volt al dì la fa la piscina
La gh'a el ciuffet che la par un look
El cervellett che l'è propri tuck
A sentì parà, Gesù che strazio
Disen su di ròp senza giudizio
L'ureloch el chiamen l'olozio
E per dì Peppino disen Pì
Disen no permesso, disen pozio
Disen no ti lascio ma ti lazio
L'autobus el ciamen l'autobuzio
Senti Gagarella va a dormì
La Gagarella del Biffi Scala
Fu no per dì ma l'è propri ciula
Coi Gagaroni la fa la ciala
La dis "Con io, gh'è nient de fà!"
Gh'e pias la pizza conla scigola
La gh'a i scarpett cont la doppia soeula
La gira semprr cont un gandola
Vestì de magher ch'el fa pietà
A lei piacciono i modelli del Ventura
Per smagrirsi la mangia el Rim
Ma el san tutti che si veste su misura
Dalla sarta che gh'è all'Upim
Ohei Gagarella del Biffi Scala
Toeu su i tò liber e torna a scoeula
Milan l'è stufa de sopportà
Le Gagarelle coi so gagà