Nanni Svampa - El mè gatt - Lyrics, Similar artists

Kishore Kumar Hits — Nanni Svampa - El mè gatt lyrics

Artist: Nanni Svampa

album: Canzoni al cabaret

A l'hann trovaa distes in mezz ai orti:
I oeugg a eren ross e on poo sverzaa.
Me piasaria savè chi l'è quell ostia
Che al mè gatt la panscia el gh'ha sbusaa.
L'era inscì bell, inscì simpategh,
Negher e bianch: proppi on bellee!
Se ciappi quell che l'ha coppaa,
Mì a pesciad ghe s'ceppi el dedree.
I amis m'hann dii: "L'è stada la Ninetta,
Quella con la gambetta ziffolina;
L'emm vista in mezz ai orti ier matina
Che la lumava el gatt cont on cortell.
L'è malmostosa, de brutta cera,
E la gh'ha on nas svizzer e gross.
Vedella in gir fa proppi pena
E tucc i fioeu ghe dann adoss".
Incoeu mì l'hoo spettada in via Savona
Dopo mezzdì, quand lee la torna cà:
Ghe sont andaa adree a la barbona
E su la gamba giusta giò a legnà.
Hoo sentuu on CRACK de ossa rott,
L'è andada in terra come 'n fagott.
Lee la vosava "ohi mamma mia"
Me son stremii, son scappaa via.
Stasira voo a dormì al reformatori
In quell de Filangieri al numer duu:
M'hann daa del "teddy boy", del brutt demoni,
Mì son convint istess de 'veggh reson.
'Se gh'hoo de dì, ohi brava gent?
De la Ninetta me frega nient!
A l'è la giustizzia che me fa tort:
Ninetta è viva, ma el gatt l'è mort!

Поcмотреть все песни артиста