Grouss Gefiller maache mech ganz kleng
Mee trotz dem Gewiicht, droen ech se ganz alleng
Sie fale mir an ďWuert, sie huele mer meng Sprooch
Dat ganzt Alphabet läit op eemol gro
Wa näicht soe Gold ass, sinn ech ee vun de Räichen
Mee kann ech mat dem Gold och meng Scholde begläichen
Oder hëllt deng Bank mäi Gold guer net un
Well ech Hypothéiken op de Gefiller hunn
A well et ëmmer Sonndes ass
A well ee Sonndes do seng Séil verkeeft
A well's du dach dat Eenzegt bass
Wat och nach Sonndes u mech gleeft
An ech sinn ëmmer just ee Mann deen
"Et deet mir Leed" net soe kann
A wéi ee Mann, net ganz originell
Soen ech et mat Blumme vun der Tankstell
Du bass de Moien nach an de Butték gelaf
Hues do eng Schëpp an ee Kichemesser kaaft
Déi al ware schéngt et net méi schaarf
Mee ech duecht alt ee Messer gehéiert an de Kicheschaf
Du sooss déi Blummen, déi wierken nez méi echt
T'sinn net déi éischt, mee lo sinn et déi lescht
Ech hunn am Gefill, du hues keng méi Loscht
Mee vläicht läit dat och um Kichemesser an der Broscht
A well et schonn nees Sonndes ass
A well ee Sonndes bäi seng Séile geet
A well's du dach dat Eenzegt bass
Wat och nach Sonndes bäi mir steet
An du bass ëmmer nach eng Fra an
D'Revanche ëss du gäer als kale Plat
Fir mat op d'Graf keefs du nach ganz schnell
Ee Bouquet Blumme vun der Tankstell
Vun der Tankstell
Vun der Tankstell
Ee Bouquet Blumme vun der Tankstell