Ech sëtzen hannen an der Klass
Well et hei hanne besser ass
An t'ass krass wéi d'ganz Klass
Hei vun hannen anescht ass
Hei hues de d'Iwwersiicht
Iwwert dat ganzt Geriicht
A ganz liicht eng gestiicht
Baussent dem Riichter senger Siicht
An d'Kanner hu gelaacht
Wann ech meng Dommheete gemaacht
A wann de Witz eppes gedaacht
Hunn d'Proffen an de Baart gelaacht
Ma gëtt aus dem Witz Kritik
Eng kleng Pick an all Replik
Da kritt de Schüler den Hick
An de Proff tickt wéi ee Flick
De Klasseklon ass net méi Klaass
An déi ganz Klass versteet kee Spaass
Spiers den Haass, gëss gär Gas
Mee stees am Reen a gëss ganz naass
T'ass de Präis deens de bezills
Wanns de net no de Regele spills
Wanns de net bäiss awer bills
A wanns de dech gäer selwer zills
Ech sinn de Klasseklon
Ech lafen virun de Won
Soss bleift dee Won nie ston
Wéi bäi all Klasseklon
Ass net alles wat ech son
Als Witz ze verston
Ech sinn de Klaseklon
♪
Ech streeë Salz op d'Wonnen
An ech kucken no puer Stonnen
Op meng Zooss huet gebonnen
Sou kommen ech iwwert d'Ronnen
Ech setzen d'Punkten op den I
Soss kritt dee seng Punkten nie
C'est fini mon ami
Dem Chef säi Fiffi ginn ech nie
Ech geheien Ueleg an d'Feier
T'ass mer net ëmmer ganz geheier
Heiansdo gëtt dat mech eng Deier
Ma ech sinn dach kee Fudder fir de Geier
De Klon bekennt ëmmer Faarw
Ass op kengem Ouer daf
En hëllt net alles mat der Kap
A léisst dem Liewen net säi Laf
Well de Klon ass och Rebell
Bréngt och Noriichten aus der Hell
An dann denken d'Leit ganz schnell
Dee wär dach besser an der Zell
An dofir zitt e sech zeréck
De Mëttelfanger gezéckt
Net laang gezéckt an net gebéckt
Säin eegent Stéck vum Gléck am Bléck
Ech sinn de Klasseklon
Ech lafen virun de Won
Soss bleift dee Won nie ston
Wéi bäi all Klasseklon
Ass net alles wat ech son
Als Witz ze verston
Ech sinn de Klaseklon
♪
Ech soen de Klon ze verston ass schwéier
Dofir muss e gon
Net vill ze son, stellt vill domm Froen
Bis d'Leit en net méi verdron
E lieft säi Liewen zréckgezunn
Kuckt sech d'Saach vu baussen un
E fiert a senger eegener Bunn
E kënnt och heiansdo déif geflunn
A wat wär wa kee Klon do wär
Dann heescht et rëm den Här ass Här
A Max ass Max ganz regulär
Sou hunn déi Hären dat och gär
Wee rëselt dann un der Hyrarchie
Vun eiser Olygarchie
Wou bleift de Fonken Anarchie
An der Banannemonarchie?
Et ass kee Klon méi am Land
Da feelt dem Land de Verstand
Ass alles an Rand an am Band
Da kennt kee méi den Numm vum Kand
♪
An um Klon sengem Graf
Pinscht kee Patron a kee Paf
Am horizontale Schaf
Schléift de Klon elo ganz brav
D'Famill steet do ze ston
De Klon brauch sech net beklon
Säi Bouf huet d'roud Nues ugedon
Hei kënnt dem Klon säi Klon
(Klon, Klon, Klon, Klon, Klon, Klon, Klon, Klon)
Hutt der gehéiert wat ech son?
(Wat ech son, wat ech son, wat ech son, son, son)
Hutt der iech och waarm ugedon?
(Waarm ugedon, waarm ugedon, don)
Hei kënnt een, dee wärt iech eppes ganz anescht son
(Ganz anescht, ganz anescht son)
Hei kënnt dem Klon säi Klon
♪
Dem Klon säi Klon
(Säi Klon, säi Klon)
Dem Klon säi Klon
(Säi Klon, säi Klon)
♪
Dem Klon säi Klon
♪
Ech sinn dem Klon säi Klon
Ech lafe virun de Won
Soss bleift dee Won nie ston