El Joker - Kobayt El 3asir - Lyrics, Similar artists

Kishore Kumar Hits — El Joker - Kobayt El 3asir lyrics

Artist: El Joker

album: Kobayt El 3asir

حط سم فى العصير وابتسم عزرائيل
ونصه الأسود قاله "قربع للبق الآخير
كفاية تفكير، الحال مش هيتعدل
خايف من إيه؟ مش أول مرة دي تتقتل
ما اتقتلت لما شيلت الهم وما اتقالكش عاش
واتقتلت لما درست حاجة ما بتحبهاش
اتقتلت أما اختارولك اتقتلت زي ميولك
واتقتلت لما عملت زي ما عازوا وسقفولك"
نصه الأبيض قاله "طب ما تشوف دافعهم
أو حتى كنت مانعهم بدل ما بكره تطاوعهم
الدنيا صعبة وأهلك عازوا يريحوك
وأنت أكتر واحد عارف أن هما بيحبوك"
نصه الأسود قال "جايز حبّوه، لكن أكيد أذوه"
ومال على ودنه وقال "بالظبط زي ما عملت نور
مش هي برضو قالت "أنا حاسة وجودي بيأذيك
فأنا هبعد عشان مصلحتك والدنيا هتنسيك"
إلا قول لى صحيح، الدنيا ليه ما نسيتكش؟
تكونش نور ضحكت عليك ومحبتكش؟"
النص الأبيض قال "هنتخطى اللي فات
عشان نمسك حاجات لازم نسيب حاجات"
♪
دقنك متر جسمك عمال يخس
محدش حس بيك ومحدش هيحس
معظم كلامه مش حقيقي أعمل معروف
أخلع النضارة السودة دي وحاول تشوف
ما هو شايف اللي فيها، مفيش غير ظلم فيها
جواه أسئلة كتيرة، لكن خايف وبيداريها
لأ طلعها، الدنيا بلاء من بق اللي صنعها
من حقك تمسك ورقة الامتحان ده وتقطعها
نصه الأبيض قاله "لو عرفنا الغيب"
النص الأسود قام مقاطعه وقاله "فكك من بوقين"
لعله خير ومحدش عارف الأحسنله إيه
إحنا لا متشافين في سما ولا في شارع ولا بيت (خلصت)
شرب كوباية العصير لآخر بق
جت مامته من الشغل قامت وخداه بالحضن
وقالتله "جهّز لبسك يا اللي بتكتئب تحلو
أنا وباباك أجزنا وهنسافر نغير جو"

Поcмотреть все песни артиста