حسيت إنك ضعيف ومكسور الجناح
مكبوح الجماح معدوم المتاح، بسبب
ناس عن جهل قالوا إنك مش زيهم مش كامل
كإن الإختلاف دليل على توزيع مش عادل
في ناس كانت بتشدك لورا وتهدك لغرض
في ناس كرهتلك النجاح عشان في قلوبها مرض
قادر والدليل إن الحياة مهزمتكش
من وأنت بتحبي وهي بتحاول متقومكش
وقومت خدت أول خطوة غصب عنها
وفضلت تنجح مهما يتقل إمتحانها
وزي ما ناس هدتك زي ما ناس ساعدتك
زي ما ناس كرهتك زي ما ناس حبتك
ما الشئ وعكسه مخلوقين يتنافسوا
غيرك كسب فـ السباق بس خسر نفسه
وأنت روحك كانت بتكبر كل ما تكبر
قولت تقدر للي قالك مش هتقدر
الدنيا مبتديكش اللي أنت شايفه عليك كتير
مادام هتحلم أوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادئ الأخير
الدنيا مبتديكش اللي أنت شايفه عليك كتير
مادام هتحلم أوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادئ الأخير
الظروف سيوف والدروع إرادتك
عمر التعب ما راح هدر قاوم بكل طاقتك
هما حاولوا يحبطوك خوفًا من حركتك
عرفوا إن أنت هتعديهم لحظة إنطلاقتك
استنى الريح تعدي ويندموا اللي ملوا هوا
يخسروا اللي حاربوا بعض قدام اللي كانوا سوا
تمد إيدك ليهم يفتكروك بترمي طعم
أصل اللي يزرع شر لازم يجني رعب
وأما العيوب تبدأ تغطي عـ المزايا
وتحبط قبل خطوة واحدة من خط النهاية
وتبص لروحك بشفقة في المرايا
زي ما تكون خلاص صدقت إن أنت مش كفاية
بص وراك تشوف طريق طويل إتمشى
هازم فـ كل مللي فيه مية إحتمال للفشل
أما اللي وقعوك وسبقوا الخوف فيهم اتغلغل
بيبصوا وراهم مرعوبين لتقوم تكمل
الدنيا مبتديكش اللي أنت شايفه عليك كتير
مادام هتحلم أوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادئ الأخير
الدنيا مبتديكش اللي أنت شايفه عليك كتير
مادام هتحلم أوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادئ الأخير