El Joker - Tesainati - Lyrics, Similar artists

Kishore Kumar Hits — El Joker - Tesainati lyrics

Artist: El Joker

album: Tesainati

قبل مرحلة الثانوية كنت مريض بالكسوف
كانت علاقتي بالبنات فاشلة زى البامية بموز
بعدها صاحبت موديل عشان ستايلي يتعدل
سابتني ف بعد ست شهور كان ستايلي قدم
وقتها ماكنش عندى غير كام فكرة وكام كتاب
أشرحهم وسط القعدة يمكن أجذب البنات
كانت بتاخد رأيي في كل حاجة وكل عريس يجيلها
كله إرتبط بكله أنا الأخ الوحيد فى الشلة
فجأة إنفصمت، بقيت شخصيتين ف بعض
بسهر أسكر كل ليلة، بس عمري ما أفوت فرض
من كتر ما كنت بظبط كل واحدة ساعة ما أقابلها
كنت أشوف بتاعت الأربع الخميس ومش فاكرها
عقلى اختل لدرجة إني كنت بشوف كتاباتي
أقول معقول أنا كنت عارف كل المعلومات دي (أنا؟)
صحاب مدرستي مصدقوش إني م الخمورجية
صحباتي فى البار إتصدموا من إني أجيب مية ف المية
مش بحكي اللي حصللي، بحكي اللي بيحصل عمومًا
مين فينا ما كنش بريء قبل ما هما يتهمونا؟
مين فينا حلمه كان يتعدى أتاري وعجلة وكورة؟
كلام للجيل بتاعي مش لأجيال عبده موتة

Поcмотреть все песни артиста