توحشتك ابا جيت نزورك و ندعي معاك
بالرحمة يا ابا فالجنة تكون كنتمناك
عارفك ما بغيتش تخلينا بلحق ربي بغاك و داك
ما كرهتشي دبا نكون حداك
ما كرهتش نسمع صوتك ولا غير فالمنام نشوفك
كنحس بيك حدايا معايا قريب و كنسمعك
كتقل ولدي ما تخفشي أنا باقي فجنبك
و عارفك يا ابا واخا موتي باقي واقف جنبي
واليوم يابا عيت و ماجي نخويلك قلبي
هزيت المسؤلية صغير
فوق ظهري كان حمل تقيل
خليتني فالدنيا كنشوف الويل
و راك بعيد توحشتك جيت نزورك فالمقابر
مشيتي و خليتني بوحدي عييت و قلبي عامر
طلعتلي هاد الدنية فراسي غير عليهم صابر
وراك بعيد توحشتك جيت نزورك فالمقابر
مشيتي و خليتني بوحدي عييت و قلبي عامر
طلعتلي هاد الدنية فراسي غير عليهم صابر
ربي خليكم ليا
♪
مزال ما قدرت نتيّق موتك
مزال فعيني صورتك و مزال فودني صوتك
مزال فيدي لبسك كنشم فيه ريحتك
كيقلول كنشبهلك بغيت نكون نسخة منك
الفراق صعيب ماشي ساهل
شي نهار تخليني عمري ما كنت كنتخيل
أصعب لحضة ملي هازوك فالمحمل
دارت بية الدنية قاع ما قدرت نستحمل
آخر نظرة فيك كنتأمل
كنشوفك مكفّن قدامي لحمي تنمل
دموع الفراق يا با من خذي كتسيل
و ملي مشيتي ما بقا يجني نعاس فالليل
وراك بعيد توحشتك جيت نزورك فالمقابر
مشيتي و خليتني بوحدي عييت و قلبي عامر
طلعتلي هاد الدنيا فراسي غير عليهم صابر
وراك بعيد توحشتك جيت نزورك فالمقابر
مشيتي و خليتني بوحدي عييت و قلبي عامر
طلعتلي هاد الدنيا فراسي غير عليهم صابر
ربي خليكم ليا