يا غربتي في بلاد الناس
يا غربتي في بلاد الناس
ومن شافني يقول هذا برّاني، برّاني
يا غربتي في بلاد الناس
يا غربتي في بلاد الناس
ومن شافني يقول هذا برّاني
من بعد ما كنت فضّة، اليوم رجعت نحاس
والثوب الّي لبسته هو عرّاني
أنا الّي كنت مدبّر على الناس
اليوم تبدل عقلي بهبالي، بهبالي
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا بلادي ونولي ليك
♪
كي نتفكر يوم فراقك يوجعني قلبي
يامات العزّ في بلادي راحت خسارة
♪
ما عرفت شئ وين كان هاذ الزمان مخبّي
نهجر ونعيش غريب وحدي في بلاد النصارى
لا تردّي عليا اللوم ما هو شئ ذنبي
هوما هوما الّي معاهم شبعت مرارة
كي اليوم يجي النهار نهنى ويفرج ربي
إن شاء الله ونعود ليك غانم بين مَّاليا
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا بلادي ونولي ليك
♪
مكتوب عليا فراقك وإش يصبرني
لزَّم عليا الحال نقاسي فالغربة
♪
عمري ظنّيت هكذا يصرالي في وطني
ولا ظنّيت من عندهم تجيني الضربة
سهران وما قدرت نرقد ونغمض عيني
نسأل وما لقيت حد يفيدني بإجابة
نكذب إذا قلت راني عايش مهني
والله ما نسيت بنة العيشة فيك
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا بلادي ونولي ليك
♪
والله ما نويت الهجرة وما جات في بالي
ضاقت بيا الحياة فيك وركبت السفينة
♪
يعذرني الّي إنكوى بجمرات البين بحالي
وذاق مرارة الفراق خيالك يا زينة
عافس على الشواك ما بغاش يهنا بالي
مشتاق نشوف وجهك يا ميمتي الحنينة
نبكي وما كان من يمسح دمعات مجالي
والله ماني مسامح الّي بعدني عليك
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا دزاير ونولي ليك
♪
نرجى مرسول يأتي ببشارة من عندك
ويجي بخبار سار يتوسّع الخاطر
♪
ننصاب نكون بين أهلي ونشم من ريحك
قعدة بين لحباب ونذوق هواك الطّاهر
ما جيت هنا غير باش نعود نولي
موحال نعيش غريب وحدي وأنا يا صابر
نويت إن شاء الله نرجع ونعيش في حضانك
والله ما نويت أنا بغرضي نكفيك
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا بلادي ونولي ليك
شحال نعيا يا دزاير ونولي ليك
شحال نعيا يا بلادي ونولي ليك
شحال نعيا يا العزيزة ونولي ليك