إزدحام علل قاطنة بالعقل الباطني.
اقتحام خلل ظلامي قبل شفاه داكنة.
عيون حمر فاتنة جنون لعنة ساكنة.
سكون هدنة واهنة بالشؤم متزامنة.
وساوس تتراود تتفاوض مع العقل.
وجه عابس لابس هيكل روح داخل المعتقل.
جدرانو اختلال عقلي قضبانو مرض نفسي.
حراسو أطياف لشخصيات نجسة.
يا للشناعة يا للعواطف المباعة الأفكار
عطت للوحشية كامل إنصياعا.
الأقذار غطت الأنظار تشوه إنطباعا.
صار المرادف للتمرد: سمعا" وطاعة.
أهلا وسهلا
قلبك رح ينشحط أرضا" وسحلا
فلتتحجر أعصابك شدا فرضا" وقسرا.
عجبا" وسحقا" بالمصل القاتم ستحقن.
وتفقد السيطرة لتحول باطلك حقا".
أحقا؟ خيالك ساكن جوا السواد الداكن.
أو أنت واهن؟ للعتمة صرت كاهن.
صرت بالكابوس قاطن اشلاء عقلك الباطن.
أجزاء وعيك طاحن اتجاه سعيك شاحن
بالكراهية. وماهي؟. فتحة جحيم وداهية.
رافض تفاصيل الواقع بال لا الناهية.
بظن جراحك كافية قصة حياتك جافية.
بنية عكرة مو صافية خيبات
أمل طافية.
على سطح مستنقع ضحل. مفعم بالوحل.
براسك ضجيج ذعر مليون خلية نحل.
بعيونك حرارة غضب بتكفي تحرق الكوكب.
بدماغك شرارة رعب نبضاتك
عم تتكهرب.
بس لا مهرب بدك تشرب من كاس الدنيا المريرة.
هادا من صلب الحقيقة مو من هلوستي الحقيرة.
حبال الكذب طويلة إلا عالعاقل قصيرة.
الدنيا أحقر شركة مصالح فـ تعلم ديرا.
أو بالأحرى هيي غابة ما بيجتازا إلا المسخ.
سحرا دجال شكلا مخادع مضمونا وسخ.
معد عم بتقبل بشر ظاهر عليي قناعو.
مخي صار إنطوائي صعب بالثقة إقناعو.
صعب بالحب إشباعو.
فيو شظية حقد
حالك السواد مستحيل انتزاعو.
غلط صح فقر شح سير نحو الهاوية.
صد ورد سيف حد بيسفك دم بثانية.
جباه بالطين ممرغة أدمغة مفرغة.
طعنات الضهر صارت أشبه بالدغدغة.
غريزة شعور انمحى طغت عليها التمسحة.
جرح القلب أكثر شناعة من مليار مشرحة.
تفاؤول يائس غاضب وضاحك باكي ومبتسم.
صاخب وهادئ عاقل وجاهل شخصيا" منفصم.
استقبل اللعنة بلا ارتباك.حان موعد تدميرك الذاتي
حسب توقيت الهلاك.
جنيت وجنيت جنة مزيفة جاني عنفسك.
صدق التصور صرت صرصور وسهل عفسك.
عيني عرتك عايرتك بإزدواج معاييرك.
ماقدرت قدرة قدرك لسوء مقاديرك.
فتح عينك مارح عينك. وفي دينك بعدا دينك.
ماني جارك مارح جيرك. حتى تتدارك مديرك.
مسارك حدد مصيرك.خيارك شطب ع خيرك.
مبادئك عم تبيدك .بيدا إبادة بإيدك.
عملتك العملة وهالعملة عملت فيك عما.
سممت بصيرتك صارت ريحة قرفك للسما.
صرت معوق متقوقع بقاع قعر خباثة.
الكرامة ما بتتوزع بـ وكالات الإغاثة.
في براسي نفر عم يهجم ورتب عم تتخبا.
و موت فاتحة قريحتو وبشر ماعم تتربا.
سماع معي صوت الوعي عاللاوعي عم ينشق.
سماع صوت رجال الدين المعصومة عن الحق.
لسا نفسك عم تمتحن كلام هالوجع ما بيخلص
حتى لو خلص مليون لحن.
المترجم احمد حجار