ضليت سنة حاول كون ضابط جناني
رابط لساني شامط ستيانة من اختو لهالزمن أخو الحفيانة .
كابت إدماني ثابت عدواني نابت عنفواني
وهلق حاطط رجلي عالقاصي والداني.
عحالي جاني على مالي بحثي فاني بأم الوضع زاني
بسم الدم القاني عم تتغذى أعصابي اللي تارة تلفانة
تارة ولعانة بتذكرني بصاحبتي التارة ناشفة تارة حميانة. لك ثواني
هش يا دهر هش يا ليل هش يا سهر
هش يا شعب البلد عفت ربك من فحش الفقر.
هش كم سنة ضيعت من شبابي هش كم شهر
هش يا قلم حتى انت بخلت علينا بالحبر
زعجتكم ال هش ؟ زعجتكم ألفاظي السوقية
شو ذنبي إذا انتو قطعان الطوائف والعرقية.
صدقا" لو فتت معاكو بنقاش المصداقية.
بطلع فاتح من الرحم اللي بظتكو طلاقية
مفارقة بتحتاج تفكيك من عقول سارحة.
عنصر من النصرة قتل دبح اغتصب سرق سفك
رجع عحضن الوطن بتسوية ومصالحة.
بالمقابل جندي بالجيش خدم سنين تصاوب تحاصر
ما مد إيدو صبر اخد بريك لف سيكارة
انطق تقرير انحفرلو من ضباع ومصالحا. ضبتو المكافحة.
هي ماعد اسما بلد أسما بلوعة مدابحة.
لك أخت الخدعني وقدامي عيونو دبل.
عأخت اللي بالدين زمر وبالسياسة طبل.
عأخت اللي ضاجع وطن و الشعب بالهم حبل.
كلامي صعب التقبل ولساني صعب التكبل.
أهل الحارة خافو عليي لأنو ما عندي كبير.
منن خطن حلو كتيبة تقارير.
حضن الوطن فينا صغر عقلك.تكبير
بواسير بالكرامة واستفراغ بالضمير.
لسا بقولو عني مريض. ف رح كرر طفرة.
الله ما شلف ع طريقي إلا ولادين الدكرة.
بيعتبو ع قلبي يلي صفا أقسى من الحجرة.
من وقت وعيت عالدنيا ساكن بوحل الإجرة.
الأسوأ مني .ماعم يلاقي أكل ومأوى.
وينن منو جماعة الوطنيات والفتوى
الإيمان بالقلب!من دهر شالح لباس التقوى
مع الضعيف بستضعف .عالقوي رح بستقوى
المتلي عاش جو الجبهة وتحاصر و ودقنو شبر.
سدق متل داعش بس اللي قتلو الغدر
الذخيرة جيوب الحرامية أحق برصاصا
ألو داعش نقطة عسكرية خلنج بكياسا
شو شلت بيع وشري! لا من شاف ولا من دري
لا يخدعك الوطنجي! مو كل مين قرفص
كم واحد ضل واتطوع واتنصب عليه الراتب
كم واحد راح من كيسو.القصة صارت بلا كاتب
ف فلتت الأحداث وفلتت معها التفاصيل
بين كل مليون عرصا بتصادف واحد اصيل
سدق ماعد في ثقة بهالدمار تفسح
بتستنتج انو اللي عالثورة بالحكومة مسح
و درويش الشعب بلسانو النار عم يدوقا
ماعد عم يعرف يستوعب آمالو صارت مشنوقة
عم تلعب فيه السياسة تحريك ولاد بندوقة
تسعين بالمية تحت الطاولة و10فوقا
دعتني السياسة ع رئصةو أنا بالرقص مالي.
مالي بالإشتراكي، القومي، ولا الرأس مألي.
انا تاجر من تجار الموت وروحي رأس مالي.
مابتعبو راسي لأني أصلا رأس مالي.
بسوريا مئات آلاف الشهداء .انسا.
مئات آلاف القذائف والتفجيرات انسا.
مئات آلاف إرهابي من كل جنسية انسا.
وكل العالم زعل كرمال فتيشة بفرنسا.
الكلاب تعوي. والقافلة تعوي.
ولا أحد يسير فلحالك جهز نعوة
دوبو جنس آدم فعلو بقولو عم يتعرقل.
بالواقع جستن بيبر وعال Facebook هرقل
مالكو عليي يمين. ولالكو عليي يسار
ولاحدا إلو شي مع هيك الحكي صار
لأنو اجتماعيا" صفنت شفت الكل جربع
طلعت النوايا الوسخة ضمن اضلاع المربع
أول ضلع الصبح شيخ المسا عرصا تاني ضلع
مو عايش إلا الحرامي والنصاب ونازل بلع
تالت ضلع عينو بلقمتك ورايدلك تنفجع
رابع ضلع عينك عينك مصلحة خورفة ونفع
فالقانون غير مطبق قد ماتغير قد ما تعدل
الشرف اللذي يباع لا يرد ولا يبدل
القرف داخل الجسد يلي سمو انذرف
ف تعود دوس عالرؤوس ماتدوس عطرف
أنا شيخ كار المخ الوسخ واللي عاطي سرو.
أنا سيخ نار فاتح شرخ بدماغ الأصرو.
أنو يفرضو علي أفكارن ويخفو أقذارن.
أنا مشعل نارن وملعب بعب أمن فارن.
دوبا هالبشر تخنزرت والطموحات تجنزرت
ماعدلك إلا السردة على عصابك اللي تخدرت
مابقى صفى عتب عاللي طفش الله ييسر
صفنت لقيتن كل واحد بديرة وحلم متكسر
رغم ذلك لاحدا يقصر يعني أحلا الأمرين
باعتبارك سوري بالع السكين عالحدين
ماقصرنا ببعض والدم طغى عالاكسجين
رب العالمين. ماعندي صبر ال102!
لحظة لحظة. قبل ماتسمع و تكفرني
دخلني الجيش بلا ذل يا أما سفرني
او بكفي تعمل سعري بسعر البيك عبيه وعبيني. صفيه وصفيني
هيك بموت مروق. إي بديني.
حابس بجسدي ارواح عتيقة.
ما بقالا الا شوية ممنوعات وموسيقى.
ابحث عن حياتك قبل البحث عن الحقيقة.
قف على ناصية الحلم.وفنتر عالخليقة.
الترجمة احمد حجار