Los Alfonso - Ñane mitaro guare - En vivo

Kishore Kumar Hits — Los Alfonso - Ñane mitaro guare - En vivo lyrics

Artist: Los Alfonso

album: Los Alfonso en vivo

. Ko'ágãramo guarã... che képemante rejúva
. Che moyrũmívo Florencia ndavy'áigui che añoite
. Upégui ku apáy rire che py'a hory asýva
. Che mandu'áramo aína ñane mitãrõ guare.
Ymámipako ñande jaháva'erã kañyhápe
Amo taruma'i guýpe ñamopotĩ verapa;
Jaguapy ha ñaha'ã Tikichuéla ku vy'ápe
Ñande sýgui ñemihápe asajekue oke aja.
. Térã jahami jaike yva reka ka'aguýpe
. Jaiko jaipo'o ty'ãime apepu ha guavira;
. Nde ao ruguái renyhẽ rerúva'erã torypápe
. Ha che ku mburukujápe nde áva amboyvotypa.
Ko'ẽ ha jaikóva'erã mokõive pe kokuerére
Oñokuãro kõinguemícha jajuayhu porã asyete,
Ñanandýpemi jaike ku tape karẽ sa'íre
Ha umi kaysã ruguáre ñahendu guyra ñe'ẽ.
. Oĩmévaje ako y upa akóinte iporã hekópe
. Jaha hague mbyry'áirõ ka'arukue jajahu
. Pe ýpe jajohypýi, jajuapi yvy ku'ípe,
. Ha upégui ku piro'ýpe pytũmbypávo jaju.
Ñasãindýrõ pyhare, ñasẽmi pe nde rokáre
Kapi'ipe rovyũme ñande ñañombojaru,
Ha upérõmi ñañandu hakuvy ñane ñe'ãme
Kunu'ũ porã apytépe ikyrỹiva mborayhu.
. Ko'ágãramo guarã... che képemante rejúva
. Che moyrũmívo Florencia ndavy'áigui che añoite
. Upégui ku apáy rire che py'a hory asýva
. Che mandu'áramo aína ñane mitãrõ guare.

Поcмотреть все песни артиста