Ziɣ anect-a i diri-yi
Axir a telhum kunwi
A wid yettṛuẓun seg ul,
A widak i ɣer i cubeɣ
Ziɣ anect-a i diri-aɣ
Lhan wid yeṛẓan lemtul,
Ma yella ugiɣ a d-iniɣ:
A Ṛebbi, ers-d, ad nalliɣ,
Axir-ik i sneɣ, i ẓṛiɣ!
Diri-yi
Ma d tamacahut tagi,Annaɣ yettmenɣa lbaṭel (2)
ɣef leǧǧwad teɣli-d tsusmi
Wer iseɣ yezga ifetel,
Ma- ur cniɣ ɣef wid yemuten
Ad zenzeɣ iɣsan-nsen
I wakken ad rebḥeɣ yes-n,
Diri-yi
Aqelmun n ṣbeṛ nerra-t nukid ṣbeḥ tbedel (2)
Ungifen a tthuzun tuyat
Uḥdiqen ttawin ddel,
Ma lliɣ seg wid yetṣeḍḥin
Yerran di lmizan limin
S yir tamuɣli i d-ttwalin,
Diri-yi
Ufiɣ lbaz d-ameṛẓu d agerfiw id-isewqen,(2)
Ufiɣ tizizwit tettru
D aṛṛeẓen i tt-id-yessuffɣen,
Ma ugiɣ ad ǧǧeɣ axxam-iw
Ma ur nejlaɣ si tmurt-iw
Ma jgugleɣ deg wakal-iw,
Diri-yi
ɣur-sen at lbaṭel axir ɣas akken tqubleḍ taswaɛt, (2)
A k-id-rren ɣer deffir
Kul ma tqeṛebḍ ɣer zdat,
Ma iɣaḍ-iyi win yettrun,
Ma ḥemmleɣ wid i cefun,
Ma kerheɣ wid tt-ixellun,
Diri-yi
Di lbaṭel wwin-d iẓuṛan,ma ulac a t-id-snulfun, (2)
Nger-d ẓeṛb n urfan
Seg widak yekkaten ttrun,
Ma kerheɣ lbaṭel d lefsed,
Ma kerheɣ lxedma n leḥsed,
Ma hennaɣ wi llan yerked,
Diri-yi
A wid yeεbden iẓekwan deg-sen tettnadim tifrat, (2)
D lmut iwumi tgam amkan
Tudert teksem-as tafat,
Ma ugiɣ lmut d-iyi-budden,
Ma ur qbileɣ ad-iyi-nɣen,
Akken yes-i ad srewten,
Diri-yi
Ma ɣef unyir-ik daεwessu ɣur-sen d-argaz i telliḍ, (2)
I txidas ma tegiḍ usu
ɣur-sen di lεez ad t-aliḍ,
Ma ur kkateɣ yakk yes-sent,
Ma ur cbiɣ nbac tistent,
Ma ur cetleɣ di tucent,
Diri-yi
A bab n tegnawt ɣur-k ɣef ussan i d-ileḥḥun, (2)
Wissen ma bxir a tsellek
Seg wid yekkaten ur ferrun,
Ma zgiɣ si lǧiha n lḥeq,
Ma rriɣ tidet di lmenṭeq,
Ma bɣiɣ iṭij a d-yecṛeq,
Diri-yi (4)