الهاشمي ڤروابي . حكمَت
"""""
حكمت، و ما عرفت كيفاه حكمت
مشيت نزور الدّار اللّي فيها خليلتي
نتفكّر الوقت و الصّغر و ايّام الزّينين
حكمت، و ما عرفت كيفاه حكمت
مانيش حڤودي هاذي هي طبيعتي
ماذا من كيّة كواتني و انا قلبي حنين
ماذا من كيّة كواتني
و انا قلبي حنين
"""""
أنا قلبي سمّاح، سمّاح
يصبر للّي جات كاتبة من عند الرّحمان
كان الصّغر و راح، و راح
ماذا جرحوني الرّيام في قديم الزّمان
أنا قلبي سمّاح، سمّاح
يصبر للّي جات كاتبة من عند الرّحمان
كان الصّغر و راح، و راح
ماذا جرحوني الرّيام في قديم الزّمان
تتسامح الارواح
رانا يا فلان زايدين في قرن العشرين
و العبد الجوّاح
من حقّو يصغى و ينتبه و يحط العينين
من حقّو يصغى و ينتبه
و يحط العينين
حكمت، و ما عرفت كيفاه حكمت
مشيت نزور الدّار اللّي فيها غزالتي
نتفكّر الوقت و الصّغر و ايّام الزّينين
حكمت، و ما عرفت كيفاه حكمت
مانيش حڤودي هاذي هي طبيعتي
ماذا من كيّة كواتني و انا قلبي حنين
ماذا من كيّة كواتني
و انا قلبي حنين
"""""
رُحت نشوف احباب، احباب
كانت لي غالية اسوامهم ما ليهاش حدود
غلقو حتّى الباب، الباب
ما نعرفشي آش صابهم جاحو فالموعود
رُحت نشوف احباب، احباب
كانت لي غالية اسوامهم ما ليهاش حدود
غلقو حتّى الباب، الباب
ما نعرفشي آش صابهم جاحو فالموعود
زادوني عذاب
ربّي يكافيهم بالكفى و حق الظّالمين
كيما أمري خاب
يخيّبهم ربّي بحق دعوة العاشقين...
يخيّبهم ربّي بحق دعوة العاشقين
حكمت، و ما عرفت كيفاه حكمت
مشيت نزور الدّار اللّي فيها خليلتي
نتفكّر الوقت و الصّغر و ايّام الزّينين
حكمت، و ما عرفت كيفاه حكمت
مانيش حڤودي هاذي هي طبيعتي
ماذا من كيّة كواتني و انا ڤلبي حنين
ماذا من كيّة كواتني
و انا قلبي حنين