كيفاش حيلتي يا ناسي
واش هو عمالي
لي دعيتلو يستغرب فيما صرى فيا
خليك يا النايم لاش تلومني في حالي
لو دخليعة غرامي تبكي عل بكايا
سلطان الهوى عمدني واعزم على قتالي
سل سيفو ودعاني لطاعتو استبيا
بسيوف ماضية ومزارق ومحال حطلي
مالي غير نسلم ونطيع اذا عفا عليا
كيفاش حيلتي يا ناسي
واش هو عمالي
لي دعيتلو يستغرب فيما صرى فيا
واذا نعاندو ماليش قوى غابو قوالي
هاج الغرام يا ناس وبطات الجافية عليا
سيف فالغرام قسم قلبي
والغير ما درالي
لا طبيب فادني ولا طلبة دبرو عليا
مشيت للطبيب زرتو واحكيتلو شغالي
قالي عشق الريام هداك علاش جيت ليا
وليت للفقيه حدثتو عل كل ما جرالي
قالي ننصحك ونفيدك اذا سمعت ليا
كيفاش حيلتي يا ناسي
واش هو عمالي
لي دعيتلو يستغرب فيما صرى فيا
قوتلو فيدني يا مولايي وذا جبرت حالي
طول الزمان نخدمك عبد اذا رضيت بيا
قالي عشق الغيام اترك وزادلي هبالي
زادني هم وصارت الدنيا ذايقة عليا
قوتلو اذا اتركت غرامي والعشق ما بقالي
ما نزهى و الليل هواها عاطفة عليا
الموت خير من يعشق في الهوا بحالي
تبسم الفقيه وتحدث وعرف واش بيا
و در الفقيه جرالو ما جرا لي
العشق والولاعة تفكرهم حين شاف فيا
كيفاش حيلتي يا ناسي
واش هو عمالي
لي دعيتلو يستغرب فيما صرى فيا
و در الفقيه جرالو ما جرا لي
العشق والولاعة تفكرهم حين شاف فيا
منين شافني متغير وتبدلو حوالي
قالي نعذرك هاذ العشق بلييتو بلية
مول الغرام ما عمرو فدنيا يعود سالي
مرة يهيج بحرو ومواجو دافعة قوية
ومرة يكون ساكت حتى تقول والي
يزار دعتو مقبولة صالح في خفية
ومرة يكون حالو حال المجدوب ما شكالي
سكران بالهوى ما يعرفش الصبح من العشية
ومرة يهيج وجدو وغرامو زاهية الليالي
مع المليح يزهى ويفوت ليلتو هنية
كيفاش حيلتي يا ناسي
واش هو عمالي
لي دعيتلو يستغرب فيما صرى فيا
كيفاش حيلتي يا ناسي
واش هو عمالي
لي دعيتلو يستغرب فيما صرى فيا