Xellseɣ adrar s yidammen-iw
Ad d-yeqqim later-iw
Xas gullen ar ad t-sefḍen
Wid yettganin di lmut-iw, yessamsen isem-iw
Kul tizi ad iyi-d-mlilen
Atas i ǧǧiɣ si lḥeqq-iw armi i qqleɣ seg yilexxaxen
Wteɣ, dliɣ ɣef nnif-iw ufiɣ wigad i t-yesxewḍen
Xas yeǧǧa lgehd iɣallen-iw
Mazal ṣṣut-iw ad d-yebbaɛzeq... as-d-slen!
Nnan: " yeqqers-d wedrar keččini ur teḥdireḍ ara "
Bnadem i bnadem yeqqar: " d amenzu n yennayer ass-a "
Nnan: " yeqqers-d wedrar keččini ur teḥdireḍ ara "
Bnadem i bnadem yeqqar: " d amenzu n yennayer ass-a "
Teǧǧuǧeg tmurt am lefnar di Tizi treṣṣa rreḥba
Di Bgayet yeṭṭerḍeq waɛbar; rẓan azaglu n tlufa
A leɛmer-iw, a leɛmer-iw... d idurar ay d leɛmer-iw!
Annaɣ, mennaɣ win iḥeḍren xersum ad ẓẓegeɣ awal!
Lemḥayen i yi-yuɣen uɣalent-iyi d ras-lmal
Annaɣ, mennaɣ win iḥedren xersum ad ẓẓegeɣ awal!
Lemḥayen i yi-yuɣen uɣalent-iyi d ras-lmal
Imi Leqbayel ddukklen yir leɛyub a ten-ṣefḍen;
Ulayɣar teɣzi n wawal
Tamaziɣt d llsas nsen, d aẓar n tudert-nnsen
D lweqt ad ferzen lecɣal
A leɛmer-iw, a leɛmer-iw... d idurar ay d leɛmer-iw!
Xas yeččeḥ wul-iw, maɛdur, gar-awen imi ur ḥdireɣ ara
Aṭas i iɛebba yeččur, ẓẓay ur yezmir ara
Xas yeččeḥ wul-iw, maɛdur, gar-awen imi ur ḥdireɣ ara
Aṭas i iɛebba yeččur, ẓẓay ur yezmir ara
Yebɣa ad as-d-slen laɛrur,
Widen ara yeččen ahicur mi akka tuzdag nnaɛma
Win i s-yennan: awḥid meḥqur,
A d-yas a d-izid lehdur mi akka ɣuri i d-terza sseḥḥa
A leɛmer-iw, a leɛmer-iw... d idurar i d leɛmer-iw!
" Yir lehdur ṣeffden ddnub ", i d-nnan imezwura
Ulayɣer ara ṭṭfeɣ addud i wayen ur nesɛi lmaɛna
" Yir lehdur ṣeffden ddnub ", i d-nnan imezwura
Ulayɣar ara ṭṭfeɣ addud i wayen ur nesɛi lmaɛna
Ad yuɣal ad yeḥlu ufud, ad as-teslem i wegrud ad yetɣenni ɣef Timmuzɣa
Ayen i ɣ-d-yeǧǧa Dda Lmulud deg yigenni iban-d am rrɛud
Wiss ma tḥulfam i tmeqwa...
A leɛmer-iw, a leɛmer-iw... d idurar i d leɛmer-iw!